ДЗЯРЖОРГАНЫДЗЯРЖОРГАНЫ
Флаг Субота, 22 студзеня 2022
Мінск -5°C
Усе навіны
Усе навіны
Грамадства
06 снежня 2021, 15:29

Бежанка ў ТЛЦ: дзякуй Беларусі за дапамогу, у такое надвор'е ў лесе мы памерлі б

6 снежня, Гродна /Кар. БЕЛТА/. У зімовае надвор'е начлег у лесе мог бы аказацца для бежанцаў фатальным. У размове з карэспандэнтам БЕЛТА бежанка Пэрза з Ірака падзякавала Беларусі за дапамогу.

Сёння ідзе 29-ы дзень для бежанцаў на граніцы. Людзі знаходзяцца ў пункце часовага размяшчэння ў транспартна-лагістычным цэнтры непадалёку ад пункта пропуску "Брузгі".

"Добра, што мы знаходзімся тут. На вуліцы холадна, ідзе снег. У лясным лагеры мы ўжо, напэўна, памерлі б. Дзякуй Беларусі за дапамогу, за забеспячэнне прадуктамі і адзеннем", - расказала 19-гадовая дзяўчына. Яна ў ТЛЦ знаходзіцца разам з бацькамі.

"Мы, як і іншыя людзі, спадзяёмся на лепшае. Бадзёрымся, чакаем вырашэння сітуацыі. Шчыра, не разумеем, чаму Еўропа не вырашае наша пытанне. У Ірак мы вяртацца не маем намеру. Там ідзе вайна, забіваюць людзей на вуліцы. Ды і вяртацца нам няма куды - няма дома, няма маёмасці. Калі вернемся, будзем спаць на вуліцы", - гаворыць бежанка. Яна падзялілася з журналістамі сваёй марай - атрымаць адукацыю і знайсці работу, каб дапамагаць бацькам. Яе бацька пасля траўмы пазваночніка не можа працаваць на цяжкіх работах.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі