14 снежня, Гродна /Кар. БЕЛТА/. Мэта многіх маладых бежанцаў - атрыманне адукацыі і запатрабаванай прафесіі ў Еўропе. Аб гэтым расказаў карэспандэнту БЕЛТА бежанец з Ірака па імені Валан.
Сёння ідзе 37-ы дзень для бежанцаў на граніцы ў пункце размяшчэння ў транспартна-лагістычным цэнтры. Нямала сярод бежанцаў дзяцей і моладзі. Адзін з іх 18-гадовы Валан.
"Я пакінуў Ірак з адной мэтай - атрымаць адукацыю. Добрая прафесія дасць магчымасць дастойна жыць, я ўпэўнены ў гэтым. Хачу працаваць. Таму і накіроўваюся ў Германію", - расказаў малады чалавек.
"На радзіме прадаўжаюцца войны, тэрарысты забіваюць людзей, няма бяспекі. А самае крыўднае, што я так і не змог атрымаць нармальную адукацыю, стаць студэнтам", - падзяліўся малады чалавек. Ён усё яшчэ спадзяецца, што еўрапейскія ўлады пачуюць бежанцаў, зразумеюць іх праблемы.
Дарэчы, сёння спецыялісты, у тым ліку вопытныя педагогі-псіхолагі з Гродна, навучаныя аказваць дапамогу дзецям у крызіснай сітуацыі, а таксама прадстаўнікі ЮНІСЕФ вывучаюць патрэбнасці дзяцей у атрыманні адукацыйных паслуг.-0-
