Сцяг Чацвер, 25 ліпеня 2024
Усе навіны
Усе навіны
Грамадства
11 чэрвеня 2024, 10:13

Без уліку арганізаваных груп. Каля 2,6 тыс. беларускіх дзяцей пройдуць аздараўленне ў санаторыях Расіі

11 чэрвеня, Мінск /Кар. БЕЛТА/. Каля 2,6 тыс. беларускіх дзяцей гэтым летам пройдуць санаторна-курортнае лячэнне ў Расіі, паведаміў намеснік дырэктара Рэспубліканскага цэнтра па аздараўленні і санаторна-курортным лячэнні насельніцтва Аляксандр Цай у праекце БЕЛТА "Краіна гаворыць".
"Калі не ўлічваць арганізаваныя групы, у гэтым годзе каля 2,6 тыс. дзяцей пройдуць санаторна-курортнае лячэнне ў санаторна-курортных арганізацыях, размешчаных на тэрыторыі Расійскай Федэрацыі", - адзначыў Аляксандр Цай.

Намеснік дырэктара цэнтра растлумачыў, што беларускія дзеці накіроўваюцца ў здраўніцы Беларусі, санаторна-курортныя арганізацыі, размешчаныя на чарнаморскім узбярэжжы ў РФ. Іх тры - у Ялце (санаторый "Місхор"), Сочы і Туапсэ.

Аляксандр Цай растлумачыў, што ў Туапсэ юнакі і дзяўчаты накіроўваюцца ў складзе арганізаваных груп, астатнія - ва ўсе тры санаторыі.
Што датычыцца дзяцей з Гомельскай вобласці, начальнік аддзела выхаваўчай і сацыяльнай работы галоўнага ўпраўлення адукацыі Гомельскага аблвыканкама Алена Клачкова дадала, што яны маюць права праходзіць санаторна-курортнае лячэнне або разам з бацькамі, або самастойна ў складзе арганізаваных груп з педагогам установы адукацыі на базах як у Беларусі, так і ў Расійскай Федэрацыі.-0-

*Праект створаны за кошт сродкаў мэтавага збору на вытворчасць нацыянальнага кантэнту.
Падпісвайцеся на нас у
Twitter
Топ-навіны
Свежыя навіны Беларусі