Белстат: рэальная заработная плата ў Беларусі за 5 гадоў павялічылася на 25,3 працэнта

1 лістапада, Мінск /Кар. БЕЛТА/. Рэальная заработная плата ў Беларусі за 5 гадоў павялічылася на 25,3 працэнта, паведамілі БЕЛТА ў Нацыянальным статыстычным камітэце.

"За апошнія пяць гадоў аплата працы не страціла сваёй значнасці і па-ранейшаму складае дзве трэці ад агульнага аб'ёму грашовых даходаў насельніцтва. За гэты перыяд рэальная заработная плата павялічылася на 25,3 працэнта. Гэта выдатны знак росту эканомікі і павышэння якасці жыцця насельніцтва", - адзначылі ў Белстаце.

Намінальная налічаная сярэдняя заработная плата работнікаў у верасні 2024 года склала Br2313,9. Самая высокая сярэдняя заработная плата зафіксавана ў Мінску - Br3058,3. У Мінскай вобласці яна склала Br2367, Гомельскай - Br2095,1, Гродзенскай - Br2067,9, Брэсцкай - Br2063,6, Віцебскай - Br1963,9, Магілёўскай - Br1949,8.

Па відах эканамічнай дзейнасці самыя высокія заработныя платы ў сферы інфармацыі і сувязі - Br5474,3, фінансавай і страхавой дзейнасці - Br3312,4. Далей прафесійная, навуковая і тэхнічная дзейнасць з сярэдняй зарплатай Br2894,3, будаўніцтва - Br2822,8, прамысловасць - Br2570,3, транспартная дзейнасць, складзіраванне, паштовая і кур'ерская дзейнасць - Br2302,2.-0-