"Белпошта" бясплатна даставіць паштовыя карткі напярэдадні Дня маці

11 кастрычніка, Мінск /Кар. БЕЛТА/. "Белпошта" бясплатна даставіць паштовыя карткі напярэдадні Дня маці. Аб гэтым паведамілі БЕЛТА на прадпрыемстве.

"14 кастрычніка ў Беларусі адзначаюць асаблівае свята - Дзень маці, які з'яўляецца цудоўнай нагодай яшчэ раз сказаць дзякуй за любоў, падтрымку і цярпенне мамам, бабулям, сёстрам, сяброўкам і калегам. Напярэдадні Дня маці, 11 кастрычніка, у аддзяленнях паштовай сувязі краіны работнікі прадпрыемства правядуць акцыю "Павіншуем маму поштай!" - расказалі ў РУП "Белпошта".

У гэты дзень кліенты могуць набыць паштовыя карткі, падпісаць іх у адрас сваіх родных, сяброў і бясплатна адправіць па ўсёй рэспубліцы. Падрабязней азнаёміцца са спісам аддзяленняў паштовай сувязі, якія ўдзельнічаюць у акцыі, можна на сайце "Белпошты".-0-