Белгідрамет: з-за дажджоў могуць павялічыцца плошчы пасеваў з пераўвільгатненнем
 

28 мая, Мінск /Кар. БЕЛТА/. У бліжэйшы час у Беларусі дажджы могуць павялічыць плошчы пасеваў з пераўвільгатненнем глебы. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"Дажджы, якія праходзяць, папаўняюць запасы вільгаці ў глебе, найбольш істотна ў паўночна-ўсходняй частцы Беларусі. На раніцу 27 мая ў Віцебскай, Гомельскай, у многіх раёнах Мінскай, месцамі ў Магілёўскай і на поўначы Гродзенскай вобласці адзначалася моцнае ўвільгатненне, у асобных раёнах - празмернае ўвільгатненне верхняга слоя глебы. У бліжэйшы час дажджы могуць павялічыць плошчы з пераўвільгатненнем глебы", - расказалі ў Белгідрамеце.

У паўднёва-заходняй частцы краіны верхні 10-сантыметровы слой глебы знаходзіцца ва ўмерана вільготным стане. Аднак тэмпературны рэжым тут па-ранейшаму ніжэйшы за кліматычную норму. З-за слабага назапашвання эфектыўнага цяпла запавольваецца развіццё цеплалюбівых культур. Ва ўсходняй частцы краіны назіраецца цёплае надвор'е. Умовы садзейнічаюць нарастанню вегетатыўнай масы і фарміраванню прадукцыйнасці збожжавых культур, адрастанню траў, росту сцёблаў лёну, з'яўленню ўсходаў позніх культур.-0-