Фота з архіва
23 жніўня, Мінск /Кар. БЕЛТА/. У некаторых месцах Беларусі поўнае паспяванне зерня кукурузы адбылося з апярэджаннем мінулагодніх тэрмінаў. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Мінулыя дажджы найбольш істотна папоўнілі колькасць вільгаці ў глебе на паўночным захадзе Беларусі. У паўднёвай частцы рэспублікі, дзе ападкаў выпала мала, захоўваецца недахоп глебавай вільгаці - у многіх раёнах Брэсцкай і Гомельскай абласцей запасы вільгаці ў глебе, па выніках апошняга інструментальнага вызначэння, нізкія. Аграметэаралагічныя ўмовы для фарміравання ўраджаю позніх сельскагаспадарчых культур тут пагоршыліся. З-за недахопу глебавай вільгаці месцамі пачалося засыханне лісця ў кукурузы, зменшыліся прыросты караняплодаў і траў. Пры гэтым вельмі цёплае надвор'е паскорыла надыход васковай спеласці на пасевах кукурузы, садзейнічае паспяванню крупяных культур, збіранню цукраў у караняплодах цукровых буракоў", - адзначылі ў Белгідрамеце.
У паўднёвай палове рэспублікі на большасці назіраемых палёў у кукурузы адзначана васковая спеласць. Насталі аптымальныя тэрміны для яе ўборкі на сілас. Некаторыя метэастанцыі адзначылі, што поўнае паспяванне зерня гэтай культуры на кантралюемых імі тэрыторыях адбылося з апярэджаннем мінулагодніх тэрмінаў на паўтары-два тыдні.
Як заявілі аграметэаролагі, на асноўных масівах назіраецца натуральнае завяданне бульбяніку, ідзе даспяванне клубняў, месцамі пачалася ўборка.
Паводле апошніх даных візуальных назіранняў, верхні 10-сантыметровы слой глебы ў большасці раёнаў рэспублікі добра ўвільготнены, што спрыяльна для яе апрацоўкі, прарастання насення і з'яўлення ўсходаў азімага рапсу. У многіх раёнах Віцебскай, месцамі ў Гродзенскай і на захадзе Мінскай вобласці пасля інтэнсіўных дажджоў глеба моцна ўвільготнена. На пераўвільготненых участках правядзенне палявых работ ускладнена.
У большасці раёнаў Гомельскай і Брэсцкай абласцей верхні слой глебы па-ранейшаму слабаўвільготнены або сухі. Гэта ўскладняе правядзенне агратэхнічных мерапрыемстваў па падрыхтоўцы глебы пад пасеў азімых збожжавых культур, складваюцца неспрыяльныя ўмовы для з'яўлення ўсходаў і далейшага развіцця азімага рапсу.-0-
"Мінулыя дажджы найбольш істотна папоўнілі колькасць вільгаці ў глебе на паўночным захадзе Беларусі. У паўднёвай частцы рэспублікі, дзе ападкаў выпала мала, захоўваецца недахоп глебавай вільгаці - у многіх раёнах Брэсцкай і Гомельскай абласцей запасы вільгаці ў глебе, па выніках апошняга інструментальнага вызначэння, нізкія. Аграметэаралагічныя ўмовы для фарміравання ўраджаю позніх сельскагаспадарчых культур тут пагоршыліся. З-за недахопу глебавай вільгаці месцамі пачалося засыханне лісця ў кукурузы, зменшыліся прыросты караняплодаў і траў. Пры гэтым вельмі цёплае надвор'е паскорыла надыход васковай спеласці на пасевах кукурузы, садзейнічае паспяванню крупяных культур, збіранню цукраў у караняплодах цукровых буракоў", - адзначылі ў Белгідрамеце.
У паўднёвай палове рэспублікі на большасці назіраемых палёў у кукурузы адзначана васковая спеласць. Насталі аптымальныя тэрміны для яе ўборкі на сілас. Некаторыя метэастанцыі адзначылі, што поўнае паспяванне зерня гэтай культуры на кантралюемых імі тэрыторыях адбылося з апярэджаннем мінулагодніх тэрмінаў на паўтары-два тыдні.
Як заявілі аграметэаролагі, на асноўных масівах назіраецца натуральнае завяданне бульбяніку, ідзе даспяванне клубняў, месцамі пачалася ўборка.
Паводле апошніх даных візуальных назіранняў, верхні 10-сантыметровы слой глебы ў большасці раёнаў рэспублікі добра ўвільготнены, што спрыяльна для яе апрацоўкі, прарастання насення і з'яўлення ўсходаў азімага рапсу. У многіх раёнах Віцебскай, месцамі ў Гродзенскай і на захадзе Мінскай вобласці пасля інтэнсіўных дажджоў глеба моцна ўвільготнена. На пераўвільготненых участках правядзенне палявых работ ускладнена.
У большасці раёнаў Гомельскай і Брэсцкай абласцей верхні слой глебы па-ранейшаму слабаўвільготнены або сухі. Гэта ўскладняе правядзенне агратэхнічных мерапрыемстваў па падрыхтоўцы глебы пад пасеў азімых збожжавых культур, складваюцца неспрыяльныя ўмовы для з'яўлення ўсходаў і далейшага развіцця азімага рапсу.-0-
Падпісвайцеся на нас у
