7 лютага, Мінск /Кар. БЕЛТА/. У Беларусі ў бліжэйшыя дні на рэках будзе пераважаць спад узроўняў вады, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Ледастаў з палонкамі захоўваецца на Заходняй Дзвіне каля гарадскога пасёлка Сураж і аграгарадка Ула, Дняпры на ўчастку Магілёў - Жлобін, Бярэзіне каля Бабруйска, Сожы каля Крычава і некаторых іх прытоках. На азёрах і вадасховішчах адзначаецца ледастаў і ледастаў няпоўны. Пры перамяшчэнні па лёдзе трэба захоўваць тэхніку бяспекі", - расказалі ў Белгідрамеце.
На рэках Беларусі адзначаецца ў асноўным спад узроўняў вады з сутачнай інтэнсіўнасцю 1-21 см, а на большасці з іх вада знаходзіцца на пойме.
На прытоку Прыпяці рацэ Пціч каля вёскі Першая Слабодка ўзровень вады на 2 см перавышае небяспечную высокую адзнаку, тут назіраецца спад узроўню вады з інтэнсіўнасцю 3 см за суткі.
У большасці раёнаў Гомельскай вобласці і Мсціслаўскім раёне Магілёўскай вобласці назіраюцца затапленні рачнымі водамі.
Паводле інфармацыі гідролагаў, у бліжэйшыя дні на рэках будзе пераважаць спад узроўняў вады, у выніку чаго на прытоку Прыпяці рацэ Пціч каля вёскі Першая Слабодка ўзровень вады апусціўся ніжэй за небяспечна высокую адзнаку. На водных аб'ектах поўначна-ўсходняй часткі краіны ўзмоцняцца лёдаўтваральныя працэсы.-0-
