Сцяг Пятніца, 29 сакавіка 2024
Усе навіны
Усе навіны
Грамадства
09 лютага 2023, 16:29

Белгідрамет: на рэках Беларусі адбываецца спад узроўняў вады з сутачнай інтэнсіўнасцю 1-16 см

9 лютага, Мінск /Кар. БЕЛТА/. На рэках Беларусі адбываецца спад узроўняў вады з сутачнай інтэнсіўнасцю 1-16 см, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

На прытоку Прыпяці рацэ Пціч каля вёскі Першая Слабодка ўзровень вады апусціўся ніжэй за небяспечна высокую адзнаку, тут назіраецца спад узроўню вады з інтэнсіўнасцю 1 см за суткі.

"Ледастаў з палонкамі захоўваецца на Заходняй Дзвіне каля гарадскога пасёлка Сураж і аграгарадка Ула, Дняпры на ўчастку Магілёў - Жлобін, Бярэзіне каля Бабруйска, Сожы каля Крычава і некаторых іх прытоках. На азёрах і вадасховішчах адзначаецца ледастаў і ледастаў няпоўны", - расказалі ў Белгідрамеце.

На рэках Беларусі адбываецца спад узроўняў вады з сутачнай інтэнсіўнасцю 1-16 см. Вада знаходзіцца на пойме на большасці рэк басейнаў Дняпра, Бярэзіны, Сожа, Прыпяці, а таксама некаторых рэках басейнаў Віліі, Нёмана і Заходняга Буга.

У большасці раёнаў Гомельскай вобласці і Мсціслаўскім раёне Магілёўскай вобласці назіраюцца затапленні рачнымі водамі.-0-

Падпісвайцеся на нас у
Twitter
Топ-навіны
Свежыя навіны Беларусі