Фота з архіва
24 верасня, Мінск /Кар. БЕЛТА/. Чаканыя дажджы палепшаць умовы для развіцця азімых. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Чаканыя ў другой палавіне тыдня дажджы павінны ўвільгатніць глебу. Аграметэаралагічныя ўмовы для сяўбы, з'яўлення ўсходаў і далейшага развіцця азімых культур палепшацца", - расказалі ў Белгідрамеце.
Як адзначаюць аграметэаролагі, працяглы дэфіцыт ападкаў прыводзіць да далейшага высушвання глебы, асабліва ва ўсходняй частцы краіны, дзе атмасферная і глебавая засухі дасягнулі крытэрыю небяспечнай аграметэаралагічнай з'явы. Па выніках апошняга інструментальнага вызначэння вільготнасці глебы пад азімымі збожжавымі культурамі і азімым рапсам у многіх раёнах усходу краіны і месцамі ў Брэсцкай вобласці запасы прадукцыйнай вільгаці ў ворнай зямлі нізкія, на астатняй тэрыторыі Беларусі - здавальняючыя. Толькі ў шэрагу заходніх раёнаў, дзе ў сярэдзіне верасня прайшлі ападкі, у ворыве запасы прадукцыйнай вільгасці дастатковыя.-0-
"Чаканыя ў другой палавіне тыдня дажджы павінны ўвільгатніць глебу. Аграметэаралагічныя ўмовы для сяўбы, з'яўлення ўсходаў і далейшага развіцця азімых культур палепшацца", - расказалі ў Белгідрамеце.
Як адзначаюць аграметэаролагі, працяглы дэфіцыт ападкаў прыводзіць да далейшага высушвання глебы, асабліва ва ўсходняй частцы краіны, дзе атмасферная і глебавая засухі дасягнулі крытэрыю небяспечнай аграметэаралагічнай з'явы. Па выніках апошняга інструментальнага вызначэння вільготнасці глебы пад азімымі збожжавымі культурамі і азімым рапсам у многіх раёнах усходу краіны і месцамі ў Брэсцкай вобласці запасы прадукцыйнай вільгаці ў ворнай зямлі нізкія, на астатняй тэрыторыі Беларусі - здавальняючыя. Толькі ў шэрагу заходніх раёнаў, дзе ў сярэдзіне верасня прайшлі ападкі, у ворыве запасы прадукцыйнай вільгасці дастатковыя.-0-
Падпісвайцеся на нас у
