27 мая, Мінск /Кар. БЕЛТА/. У сувязі з забаронамі на выкананне рэйсаў з боку шэрага краін авіякампанія "Белавія" вымушана адмяніць палёты з 27 мая па 30 кастрычніка 2021 года ў 8 дзяржаў, паведамляе БЕЛТА са спасылкай на сайт кампаніі.
Адмяняюцца рэйсы ў Варшаву, Мілан, Амстэрдам, Рым, Франкфурт, Берлін, Мюнхен, Гановер, Вену, Брусель, Барселону і Калінінград.
"Пасажыры могуць змяніць дату вылету білета або вярнуць поўны кошт без штрафаў на працягу года з моманту набыцця для нявыкарыстаных або часткова выкарыстаных авіябілетаў. Для афармлення вяртання неабходна звярнуцца па месцы набыцця білетаў. Мы шкадуем, што нашым пасажырам давялося сутыкнуцца з такой сітуацыяй, што склалася па незалежных ад авіякампаніі прычынах, і абяцаем прыкласці ўсе намаганні для яе вырашэння", - адзначылі ў кампаніі.-0-