7 лютага, Мінск /Кар. БЕЛТА/. Нягледзячы на складаныя прыродныя ўмовы ў некаторых краінах, "Белавія" выконвае рэйсы ў штатным рэжыме ў адпаведнасці з раскладам, паведамілі БЕЛТА ў прэс-службе авіякампаніі.
На бягучым тыдні з некалькіх рэгіёнаў, куды лятае авіякампанія, паступаюць навіны аб складаных прыродных умовах. "У Турцыі, акрамя разбуральнага землетрасення, зафіксаваны снежны шторм, таксама снегапады закранулі Грузію і Арменію. Але нягледзячы на гэта, "Белавія" выконвае рэйсы ў штатным рэжыме ў адпаведнасці з раскладам", - адзначылі ў прэс-службе.-0-
