Сцяг Пятніца, 29 сакавіка 2024
Усе навіны
Усе навіны
Грамадства
24 лютага 2020, 17:46

"Белавія" прадаўжае палёты ў Італію, вярнуць білеты можна толькі па правілах тарыфу

24 лютага, Мінск /Кар. БЕЛТА/. Авіякампанія "Белавія" прадаўжае палёты ў Італію, вярнуць білеты можна толькі ў адпаведнасці з правіламі тарыфу, па якім яны купляліся. Так у авіякампаніі пракаменціравалі звароты, якія датычацца выканання рэйсаў з Беларусі ў Італію, паведамляе БЕЛТА са спасылкай на сайт авіяперавозчыка.

"Па сітуацыі на 24 лютага ніякіх забарон на выкананне палётаў у гарады Італіі няма. Мы выконваем палёты па маршрутах Мінск - Мілан - Мінск і Мінск - Рым - Мінск, як і ўсе авіякампаніі свету, у штатным рэжыме", - адзначылі ў "Белавія".

Таму вяртанне білетаў магчыма толькі ў адпаведнасці з правіламі тарыфу, па якім яны набываліся, звярнулі ўвагу ў авіякампаніі.

Як паведамлялася, на поўначы Італіі ў шэрагу гарадоў з-за каранавіруса ўведзены каранцін. Усяго ў закрытых зонах пражывае больш за 50 тыс. чалавек. У Італіі ад каранавіруса памерла чатыры чалавекі, колькасць пацверджаных выпадкаў заражэння дасягнула 203.-0-

Падпісвайцеся на нас у
Twitter
Топ-навіны
Свежыя навіны Беларусі