22 студзеня, Мінск /Кар. БЕЛТА/. Авіякампанія "Белавія" папярэдзіла аб змяненні правіл уезду ў Нідэрланды, паведамляе БЕЛТА са спасылкай на сайт авіяперавозчыка.
Новыя правілы ўступаюць у сілу з 23 студзеня. Усім пасажырам, якія вылятаюць рэйсам Мінск - Амстэрдам, уключаючы тых, хто рухаецца транзітам цераз Мінск або Амстэрдам, дадаткова да ПЦР-тэстаў патрабуецца прайсці экспрэс-тэст на антыген SARS-Cov-2 не раней, чым за 4 гадзіны да вылету з аэрапорта адпраўлення.
Экспрэс-тэст выконваецца ў Нацыянальным аэрапорце Мінск перад вылетам. Аплата магчыма праз банк, мабільны банкінг, плацежны тэрмінал.-0-