Сцяг Пятніца, 29 сакавіка 2024
Усе навіны
Усе навіны
Грамадства
26 верасня 2017, 18:34

"Белавія" атрымала пяць зорак за сэрвіс у рэйтынгу амерыканскай асацыяцыі APEX

26 верасня, Мінск /Кар. БЕЛТА/. Беларуская авіякампанія "Белавія" атрымала пяць зорак за сэрвіс у рэйтынгу амерыканскай пасажырскай асацыяцыі APEX, адпаведная інфармацыя размешчана на сайце асацыяцыі, паведамляе БЕЛТА.

Авіякампаніі спаборнічалі ў такіх намінацыях, як "Глабальныя авіялініі", "Вялікія рэгіянальныя авіякампаніі" і "Лоўкосты". Беларускі авіяперавозчык атрымаў максімальныя пяць зорак у групе "Вялікія рэгіянальныя авіякампаніі" разам з такімі кампаніямі, як Bangkok Air, Air Astana, Caribbean Airlines, Virgin Australia.

Асацыяцыя APEX (Airline Passenger Experience Association) базіруецца ў ЗША і на працягу чатырох дзесяцігоддзяў спецыялізуецца на ўсебаковым вывучэнні якасці абслугоўвання пасажыраў на паветраным транспарце. Яна ўяўляе сабой сетку кампаній і спецыялістаў, якія імкнуцца забяспечваць сэрвіс сусветнага класа ў маштабах усяго рынку авіяперавозак. У спаборніцтве за званне лепшых у гэтым годзе ўдзельнічалі 470 авіякампаній з усяго свету.

Авіякампанія "Белавія" - буйнейшы авіяперавозчык Беларусі. Базіруецца ў Нацыянальным аэрапорце Мінск і ажыццяўляе з Мінска рэгулярныя рэйсы ў 49 аэрапортаў 28 краін. Флот авіякампаніі налічвае 26 паветраных суднаў (пяць Boeing 737-800, шэсць Boeing 737-500, сем Boeing 737-300, два Embraer-175, два Embraer-195, чатыры CRJ-100/-200).-0-

Падпісвайцеся на нас у
Twitter
Топ-навіны
Свежыя навіны Беларусі