2 лютага, Мінск /Кар. БЕЛТА/. Беларусы могуць атрымаць звесткі аб аўто з электронных пашпартоў праз адзіны партал электронных паслуг, паведамілі карэспандэнту БЕЛТА ў Нацыянальным цэнтры электронных паслуг.
З 31 студзеня 2023 года на адзіным партале электронных паслуг даступна новая электронная паслуга агульнадзяржаўнай аўтаматызаванай інфармацыйнай сістэмы 3.49.02 "Прадастаўленне звестак з электроннага пашпарта транспартнага сродку". Электронная паслуга даступна дзяржаўным органам, юрыдычным і фізічным асобам, а таксама індывідуальным прадпрымальнікам па доступе з нястрогай аўтэнтыфікацыяй (з выкарыстаннем лагіна і пароля). Аказанне паслуг ажыццяўляецца ў рэжыме рэальнага часу.
Паслуга аказваецца на аснове інфармацыі дзяржаўнай аўтаматызавай інфармацыйнай сістэмы "Сістэмы электронных пашпартоў транспартных сродкаў (пашпартоў шасі транспартных сродкаў), электронных пашпартоў самаходных машын і іншых відаў тэхнікі". Пошук ажыццяўляецца па VIN.
Для атрымання паслугі неабходна прайсці рэгістрацыю з выкарыстаннем email або акаўнтаў Google, Facebook, а таксама прайсці аўтэнтыфікацыю на партале. Паслуга будзе даступна ў асабістым кабінеце.
У прэс-службе НЦЭП растлумачылі, што спажыўцу прадастаўляецца інфармацыя аб марцы, камерцыйным найменні, годзе вытворчасці, унікальным нумары электроннага пашпарта, мытных абмежаваннях, відзе паліва, адценні колеру і іншых характарыстыках транспартнага сродку.-0-
