ДЗЯРЖОРГАНЫДЗЯРЖОРГАНЫ
Флаг Субота, 26 лістапада 2022
Мінск -4°C
Усе навіны
Усе навіны
Грамадства
27 верасня 2022, 12:15

Беларускія ваенныя накіраваліся на вучэнні ў Казахстан

Фота  "Ваяр"
Фота "Ваяр"

27 верасня, Мінск /Кар. БЕЛТА/. Беларускі воінскі кантынгент, які прыме ўдзел у сумесным вучэнні з Калектыўнымі сіламі аператыўнага рэагавання АДКБ "Узаемадзеянне-2022", спецыяльным вучэнні з сіламі і сродкамі разведкі "Пошук-2022", спецыяльным вучэнні з сіламі і сродкамі матэрыяльна-тэхнічнага забеспячэння "Эшалон-2022", накіраваўся ў Казахстан. Аб гэтым БЕЛТА паведамілі ў Міністэрстве абароны.

Тры вучэнні праходзяць комплексна на палігоне Матыбулак у Казахстане з 26 верасня па 13 кастрычніка. У ходзе спецыяльнага вучэння "Эшалон-2022" будуць адпрацоўвацца пытанні арганізацыі матэрыяльна-тэхнічнага забеспячэння.

Спецыяльнае вучэнне з сіламі і сродкамі разведкі "Пошук-2022" накіравана на адпрацоўку пытанняў арганізацыі і вядзення разведкі ў інтарэсах падрыхтоўкі і правядзення сумеснай аперацыі. Удзельнікі сумеснага вучэння "Узаемадзеянне-2022" адпрацуюць пытанні падрыхтоўкі і правядзення сумеснай аперацыі па лакалізацыі прыгранічнага ўзброенага канфлікту.

У вучэннях прымуць удзел не толькі ваеннаслужачыя ад Узброеных Сіл. Задзейнічаны прадстаўнікі фарміраванняў сіл спецыяльнага прызначэння - ад унутраных войскаў Міністэрства ўнутраных спраў і ад Міністэрства па надзвычайных сітуацыях, якія ўваходзяць у склад Калектыўных сіл аператыўнага рэагавання.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі