Беларускія спецыялісты ў ліку пераможцаў ІІІ Усерасійскага конкурсу заатэхнікаў-селекцыянераў

7 кастрычніка, Мінск /Кар. БЕЛТА/. У ліку пераможцаў ІІІ Усерасійскага конкурсу на лепшага па прафесіі сярод заатэхнікаў-селекцыянераў, які прайшоў на базе Расійскага дзяржаўнага аграрнага ўніверсітэта - МСГА імя К.А. Ціміразева, намеснік галоўнага заатэхніка ААТ "Астрамечава" Брэсцкага раёна Марына Карыневіч, а вядучы заатэхнік-селекцыянер СВК імя І.П. Сянько Гродзенскага раёна Юлія Юрчык адзначана ганаровым сертыфікатам, паведамілі БЕЛТА ў Міністэрстве сельскай гаспадаркі і харчавання.

У конкурсе прынялі ўдзел 93 прэтэндэнты з 60 рэгіёнаў Расіі і Беларусі. Прафесійнае майстэрства заатэхнікаў-селекцыянераў журы ацэньвала ў чатыры этапы, у ходзе якіх удзельнікі прадэманстравалі не толькі свае тэарэтычныя веды, але і практычныя навыкі работы з жывёламі, заатэхнічнай дакументацыяй і інфармацыйнымі сістэмамі.

Лепшых па прафесіі вызначылі ў 10 намінацыях. У намінацыі "Практычныя навыкі работы з заатэхнічнай дакументацыяй" прадстаўнік Беларусі - намеснік галоўнага заатэхніка ААТ "Астрамечава" Брэсцкага раёна Марына Карыневіч - заняла першае месца. Настаўнікі пераможцы - начальнік упраўлення па племянной справе Мінсельгасхарча Ірына Янель і РСУП "Брэсцкае племпрадпрыемства".

У спаборніцтве прымала ўдзел і прадстаўнік СВК імя І.П. Сянько Гродзенскага раёна - вядучы заатэхнік-селекцыянер Юлія Юрчык, прафесійныя кампетэнцыі якой адзначаны ганаровым сертыфікатам.-0-