26 студзеня, Мінск /Кар. БЕЛТА/. Беларускія мытнікі ў 2021 годзе канфіскавалі 5,5 тыс. боепрыпасаў і 682 кг наркотыкаў і псіхатропаў на граніцы. Аб гэтым паведаміў сёння журналістам старшыня Дзяржаўнага мытнага камітэта Уладзімір Арлоўскі, перадае карэспандэнт БЕЛТА.
"У мінулым годзе мытныя органы выявілі 28,7 тыс. адміністрацыйных правапарушэнняў і 279 злачынстваў. Пры незаконным перамяшчэнні праз граніцу канфіскавана 258 адзінак зброі і састаўных частак да яе, 490 адзінак халоднай зброі, 5,5 тыс. боепрыпасаў, 689 прадметаў, якія ўяўляюць культурную каштоўнасць, больш за 1 тыс. сродкаў сувязі і апаратуры для тайнага атрымання інфармацыі, прадметаў экстрэмісцкага характару", - расказаў Уладзімір Арлоўскі.
Акрамя таго, у 2021 годзе мытнікі выявілі 532 факты незаконнага перамяшчэння праз граніцу наркатычных сродкаў і псіхатропных рэчываў, канфіскавана 682 кг. Па такіх фактах узбуджана 144 крымінальныя справы.-0-
