20 сакавіка, Мінск /Кар. БЕЛТА/. Дырэктар РНПЦ "Кардыялогія" Наталля Міцькоўская ў эфіры тэлеканала СТБ расказала пра дасягненні беларускіх урачоў, паведамляе БЕЛТА.
"Беларускія кардыяхірургі ўварваліся ў сусветную транспланталогію. На гэты час уваходзім у топ-10 вядучых краін свету, а на постсавецкай прасторы цяпер лідзіруем. І гэта, безумоўна, выклікае вялікую павагу прафесіяналаў з іншых краін", - сказала Наталля Міцькоўская.
Яна звярнула ўвагу на высокія рэзультаты па выжывальнасці пацыентаў. "Цяпер мы знаходзімся на этапе, калі пашыраем ужо кола рэцыпіентаў, інакш кажучы, людзей, якія зведваюць гэта ўмяшанне. Бяром на аперацыйны стол цяжкіх хворых з вельмі высокай пасляаперацыйнай рызыкай. Тых, у каго ў сусветнай кардыялогіі, у транспланталогіі 20-30 працэнтаў лятальнасці нават у вядучых цэнтрах свету. І нядаўна ў нас была такая радасць - удалося дапамагчы 9-гадовай дзяўчынцы, у якой сітуацыя развівалася проста феерычна дрэнна і хутка. Мы былі вымушаны ўзяць яе на аперацыйны стол па неадкладных паказаннях. У працэсе пасляаперацыйнага перыяду было шмат праблем. Нам вельмі дапамагалі нашы паважаныя калегі - інфекцыяністы, эпідэміёлагі, мікрабіёлагі, педыятры. Але ўсё скончылася добра, дзяўчынка выпісалася дадому", - падзялілася гісторыяй дырэктар РНПЦ.
Паводле яе слоў, па неадкладных кардыяхірургічных умяшаннях чарга прыкладна на паўтара-два месяцы. "Так і павінна быць, каб кардыяхірургія працавала бесперабойна. Адзіны раздзел клінічнай медыцыны ў кардыялогіі, дзе пакуль у нас даволі значная чарга, гэта для пацыентаў з парушэннямі рытму. Тут прыкладна 600 чалавек - гэта на год работы. Але павінна падкрэсліць: нашы рытмолагі цяпер працуюць настолькі інтэнсіўна, што мы разлічваем з гэтай чаргой справіцца значна хутчэй і ўвайсці ў такі ж нармальны рытмічны перыяд актыўнасці", - дадала Наталля Міцькоўская.-0-
