ДЗЯРЖОРГАНЫДЗЯРЖОРГАНЫ
Флаг Панядзелак, 27 верасня 2021
Мінск Ясна +13°C
Усе навіны
Усе навіны
Грамадства
26 ліпеня 2021, 16:26

Беларускія інжынерныя войскі рыхтуюцца да АрМГ-2021

26 ліпеня, Мінск /Кар. БЕЛТА/. На базе 188-й інжынернай брыгады завяршаецца падрыхтоўка да конкурсаў "Інжынерная формула", "Бяспечны маршрут" і "Адкрытая вада" Армейскіх міжнародных гульняў. Беларусы традыцыйна лічацца аднымі з фаварытаў у гэтых спаборніцтвах. Аб гэтым БЕЛТА паведамілі ў Міністэрстве абароны.

Як расказаў камандзір 188-й гвардзейскай інжынернай брыгады гвардыі палкоўнік Аляксандр Цагойка, падрыхтоўка каманд да Армейскіх міжнародных гульняў праходзіць з пачатку мая. "У гэтым годзе ў складзе каманд значна больш ваеннаслужачых тэрміновай службы. На адборачных этапах яны паказалі высокія рэзультаты", - адзначыў ён.

Спаборніцтва "Інжынерная формула" ўяўляе сабой эстафету з шасці інжынерных машын. Разлікі пераадольваюць на тэхніцы розныя перашкоды, выконваюць інжынерныя задачы і перадаюць эстафету наступнаму разліку. На конкурсе "Бяспечны маршрут" ваеннаслужачыя наводзяць маставую пераправу, робяць праходы ў завалах, выконваюць мноства іншых элементаў. "Адкрытая вада" - спаборніцтвы пантонных падраздзяленняў. Удзельнікі на інжынернай тэхніцы пераадольваюць водную перашкоду на скорасць, наводзяць маставую і паромную пераправы, перапраўляюць на другі бераг ракі цяжкую ваенную тэхніку.

Ваеннаслужачыя інжынерных войскаў прымуць удзел у АрМГ ужо сёмы раз. Яны яшчэ ні разу не вярталіся дадому без медалёў. У мінулым годзе ў конкурсе "Інжынерная формула" наша каманда заваявала золата.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі