Фота НАН
6 мая, Мінск /Кар. БЕЛТА/. Па ініцыятыве Прэзідыума НАН Беларусі Інстытутам гісторыі падрыхтаваны і ўжо выдадзены чатыры кнігі памяці аб франтавіках, партызанах і падпольшчыках, якія змагаліся супраць акупантаў, - "Народны летапіс Вялікай Айчыннай вайны: успомнім усіх!". Як вучоныя ўвекавечваюць памяць аб подзвігу савецкага народа, у час навуковага форуму "Вялікая Перамога ў імя міру і стварэння" расказаў старшыня Прэзідыума Нацыянальнай акадэміі навук Беларусі, акадэмік Уладзімір Гусакоў, перадае карэспандэнт БЕЛТА.
Як удакладніў кіраўнік Акадэміі навук, у год 80-годдзя Вялікай Перамогі плануецца апублікаваць яшчэ дзве кнігі-летапісы, адна з якіх поўнасцю складаецца з успамінаў удзельнікаў мінскага патрыятычнага падполля, і шасцю тамамі народны летапіс не абмяжуецца. Сумесна з аблвыканкамамі і Міністэрствам абароны вучоныя ў мінулым і гэтым гадах падрыхтавалі прадстаўленні для ўзнагароджання 42 гарадоў і пасёлкаў рэспублікі вымпелам "За мужнасць і стойкасць у гады Вялікай Айчыннай вайны". Мэта вучоных, ваеннаслужачых, прадстаўнікоў выканаўчай улады - захаваць памяць аб абаронцах Айчыны, якія праявілі мужнасць, адвагу, стойкасць і масавы гераізм.
"2025 год аб'яўлены ў СНД Годам 80-годдзя Перамогі ў Вялікай Айчыннай вайне - годам міру і адзінства ў барацьбе з нацызмам, - нагадаў Уладзімір Гусакоў. - Сярод краін, якія найбольш пацярпелі ад дзеянняў нацыстаў, Беларусь займае асаблівае месца. За гады вайны рэспубліка страціла адну трэць насельніцтва, больш за палавіну свайго нацыянальнага багацця. Германскія заваёўнікі разбурылі 209 гарадоў і раённых цэнтраў, часткова або поўнасцю спалена амаль 13 тыс. населеных пунктаў".
Сённяшні форум у Акадэміі навук - міжнародны, ён аб'яднаў вучоных-гісторыкаў з Масквы, Санкт-Пецярбурга, Рэспублікі Татарстан, Чувашскай і Чачэнскай Рэспублік, Курскай, Смаленскай, Тамбоўскай і Тульскай абласцей. Прыехалі таксама вучоныя з Казахстана, Узбекістана і Кыргызстана. У канферэнцыі прымаюць актыўны ўдзел і акадэмічныя вучоныя і прадстаўнікі каля 30 вышэйшых навучальных устаноў нашай краіны. У зале, акрамя таго, настаўнікі і вучні школ з усіх абласцей краіны і Мінска, у тым ліку лаўрэаты XVIII Міжнароднай маладзёжнай навукова-практычнай канферэнцыі "Вялікая айчынная вайна 1941-1945 гадоў у гістарычнай памяці народа", якую вось ужо 18 гадоў запар арганізуе Інстытут гісторыі НАН Беларусі і сталічная гімназія нумар 174.
"Вялікая Перамога з'яўляецца важнейшай часткай агульнай гісторыі ўсіх народаў былога Савецкага Саюза, аб'яднаных імкненнем захаваць гістарычную памяць і перадаць яе наступным пакаленням", - рэзюмаваў акадэмік Уладзімір Гусакоў.-0-
Як удакладніў кіраўнік Акадэміі навук, у год 80-годдзя Вялікай Перамогі плануецца апублікаваць яшчэ дзве кнігі-летапісы, адна з якіх поўнасцю складаецца з успамінаў удзельнікаў мінскага патрыятычнага падполля, і шасцю тамамі народны летапіс не абмяжуецца. Сумесна з аблвыканкамамі і Міністэрствам абароны вучоныя ў мінулым і гэтым гадах падрыхтавалі прадстаўленні для ўзнагароджання 42 гарадоў і пасёлкаў рэспублікі вымпелам "За мужнасць і стойкасць у гады Вялікай Айчыннай вайны". Мэта вучоных, ваеннаслужачых, прадстаўнікоў выканаўчай улады - захаваць памяць аб абаронцах Айчыны, якія праявілі мужнасць, адвагу, стойкасць і масавы гераізм.
"2025 год аб'яўлены ў СНД Годам 80-годдзя Перамогі ў Вялікай Айчыннай вайне - годам міру і адзінства ў барацьбе з нацызмам, - нагадаў Уладзімір Гусакоў. - Сярод краін, якія найбольш пацярпелі ад дзеянняў нацыстаў, Беларусь займае асаблівае месца. За гады вайны рэспубліка страціла адну трэць насельніцтва, больш за палавіну свайго нацыянальнага багацця. Германскія заваёўнікі разбурылі 209 гарадоў і раённых цэнтраў, часткова або поўнасцю спалена амаль 13 тыс. населеных пунктаў".
Сённяшні форум у Акадэміі навук - міжнародны, ён аб'яднаў вучоных-гісторыкаў з Масквы, Санкт-Пецярбурга, Рэспублікі Татарстан, Чувашскай і Чачэнскай Рэспублік, Курскай, Смаленскай, Тамбоўскай і Тульскай абласцей. Прыехалі таксама вучоныя з Казахстана, Узбекістана і Кыргызстана. У канферэнцыі прымаюць актыўны ўдзел і акадэмічныя вучоныя і прадстаўнікі каля 30 вышэйшых навучальных устаноў нашай краіны. У зале, акрамя таго, настаўнікі і вучні школ з усіх абласцей краіны і Мінска, у тым ліку лаўрэаты XVIII Міжнароднай маладзёжнай навукова-практычнай канферэнцыі "Вялікая айчынная вайна 1941-1945 гадоў у гістарычнай памяці народа", якую вось ужо 18 гадоў запар арганізуе Інстытут гісторыі НАН Беларусі і сталічная гімназія нумар 174.
"Вялікая Перамога з'яўляецца важнейшай часткай агульнай гісторыі ўсіх народаў былога Савецкага Саюза, аб'яднаных імкненнем захаваць гістарычную памяць і перадаць яе наступным пакаленням", - рэзюмаваў акадэмік Уладзімір Гусакоў.-0-
Падпісвайцеся на нас у
