1 снежня, Мінск /Кар. БЕЛТА/. Прадстаўнікі пасольства Беларусі ў Малдове ўсклалі кветкі да мемарыяла савецкім воінам у Штэфан-Водскім раёна. Аб гэтым карэспандэнту БЕЛТА расказалі ў пасольстве Беларусі ў Кішынёве.
Ускладанне кветак адбылося ў час афіцыйнай цырымоніі адкрыцця адноўленага мемарыяла савецкім воінам. У мерапрыемстве прынялі ўдзел кіраўніцтва Міністэрства абароны Малдовы, прадстаўнікі Федэральнага сходу Расійскай Федэрацыі, дыпламатычнага корпуса, мясцовай адміністрацыі, пошукавых атрадаў і інш.
Прысутныя ўшанавалі памяць загінулых і адзначылі важнасць захавання гістарычнай праўды аб падзеях Вялікай Айчыннай вайны.
У ліку тых, чые прозвішчы ўвекавечаны на мемарыяле, - тры Героі Савецкага Саюза, якія загінулі ў 1944 годзе ў баях на тэрыторыі Малдовы.-0-