14 мая, Мінск /Кар. БЕЛТА/. Пастаянная камісія па міжнародных справах Палаты прадстаўнікоў прыняла заяву аб недапушчальнасці ганьбавання памяці воінаў, якія вызвалілі Еўропу ад фашызму. Аб гэтым БЕЛТА паведамілі ў прэс-службе Палаты прадстаўнікоў.
"Пастаянная камісія па міжнародных справах рашуча асуджае актывізаваную апошнім часам у шэрагу еўрапейскіх краін кампанію па ганьбаванні памяці воінаў, якія вызвалілі Еўропу ад фашызму", - гаворыцца ў заяве.
Дэпутаты лічаць недапушчальным рэабілітацыю ідэалогіі нацызму і дзеянняў па ганьбаванні памяці ахвяр Другой сусветнай вайны. "Заклікаем усе краіны свята шанаваць памяць аб тых, хто аддаў свае жыцці за вызваленне Еўропы ад фашызму, і захоўваць у належным стане воінскія пахаванні і мемарыялы", - гаворыцца ў заяве.-0-