ДЗЯРЖОРГАНЫДЗЯРЖОРГАНЫ
Флаг Чацвер, 13 мая 2021
Мінск Суцэльная воблачнасць +9°C
Усе навіны
Усе навіны
Грамадства
12 сакавіка 2021, 09:19

Беларускі саюз жанчын даў старт мерапрыемствам да Дня Канстытуцыі

Ірына Рынейская. Фота з архіва
Ірына Рынейская. Фота з архіва

12 сакавіка, Мінск /Кар. БЕЛТА/. Беларускі саюз жанчын даў старт мерапрыемствам, прысвечаным Дню Канстытуцыі, якія пройдуць у многіх рэгіёнах краіны, паведамілі БЕЛТА ў БСЖ.

"У Клічаве па ініцыятыве грамадскага аб'яднання ўжо адбылася дыялогавая пляцоўка з удзелам моладзі на тэму "Канстытуцыя - гарант суверэннай беларускай дзяржавы". У мерапрыемстве прыняла ўдзел член Магілёўскай абласной арганізацыі Беларускага саюза жанчын, дэпутат Палаты прадстаўнікоў, удзельніца VI Усебеларускага народнага сходу Святлана Шутава", - расказалі арганізатары.

Члены БСЖ, дэпутаты Палаты прадстаўнікоў Вера Шырокая і Ірына Рынейская сустрэліся з вучнямі 10-11-х класаў сярэдняй школы нумар 18 Бабруйска. У жывой размове былі агучаны важныя і канструктыўныя напрамкі, абмяркоўваліся пытанні рэалізацыі маладзёжнай палітыкі. Школьнікам расказалі пра тое, як прымаюцца законы. Юнакоў і дзяўчат таксама вельмі цікавілі пытанні, звязаныя з выбарам прафесіі і паступленнем. Асаблівую ўвагу ў размове ўдзялілі Канстытуцыі, яе гісторыі і рэфармаванню.

Прыярытэт у мерапрыемствах Беларускага саюза жанчын, прымеркаваных да Дня Канстытуцыі, будзе аддадзены сустрэчам з вучнямі старшых класаў і студэнтамі.

Дзень Канстытуцыі - дзяржаўнае свята, якое штогод адзначаецца ў Беларусі 15 сакавіка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі