ДЗЯРЖОРГАНЫДЗЯРЖОРГАНЫ
Аўторак, 20 кастрычніка 2020
Мінск Пераменная воблачнасць +8°C
Усе навіны
Усе навіны
Грамадства
25 верасня 2020, 18:03

Беларуская дыяспара ва Украіне: балюча глядзець на тое, што адбываецца ў Беларусі

Фота з архіва
Фота з архіва

25 верасня, Мінск /Кар. БЕЛТА/. Балюча глядзець на тое, што адбываецца ў Беларусі, заявіла карэспандэнту БЕЛТА старшыня Чарнігаўскай грамадскай арганізацыі "Беларускае нацыянальна-культурнае таварыства "Сябры" Галіна Варажбіт.

"Я нарадзілася ў Беларусі, там жыве мая мама, сваякі. Мне і ўсёй беларускай дыяспары балюча бачыць, што цяпер адбываецца ў Беларусі. Мы ва Украіне ўжо такое перажылі. І чаго дабіліся? Цэны і камунальныя плацяжы высокія, медыцына платная, лякарствы вельмі дарагія. Я, напрыклад, займаюся агародніцтвам, вырошчваю парасят для сваёй сям'і. Так на плаву і трымаемся. Нам ёсць з чым параўноўваць, і мы хочам, каб у Беларусі не было гэтых мітынгаў", - сказала Галіна Варажбіт.

Паводле яе слоў, Беларусі за гады незалежнасці ўдалося дабіцца многага. "І гэта ўсё заслуга Прэзідэнта і ўрада. А людзі не цэняць гэтага, паколькі не былі ў такіх умовах, як мы ва Украіне. Моладзі хочацца лёгкага жыцця. Але я скажу так: трэба зарабляць грошы ў той краіне, дзе ты жывеш. Хоць мне 62 гады, я кожны год прыязджаю ў Беларусь. Мне хочацца сказаць сваім землякам: перастаньце выходзіць на мітынгі, цаніце тое, што вам дадзена Богам. Таму што калі вы цяпер упусціце момант, то потым не навярстаеце", - дадала старшыня таварыства "Сябры".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі