30 студзеня, Харарэ /Кар. БЕЛТА/. Беларуска-зімбабвійскі бізнес-форум пачаў работу ў сталіцы Зімбабвэ горадзе Харарэ, перадае карэспандэнт БЕЛТА.
Мерапрыемства праходзіць напярэдадні дзяржаўнага візіту ў Зімбабвэ Прэзідэнта Беларусі Аляксандра Лукашэнкі. Яго прыбыццё чакаецца ў другой палавіне дня. Плануецца, што сустракаць яго будзе асабіста Прэзідэнт краіны Эмерсан Мнангагва.
Пакуль жа афіцыйныя асобы і прадстаўнікі бізнес-колаў маюць магчымасць паразмаўляць і абмеркаваць напрамкі супрацоўніцтва.
Як адзначаюць у Беларускай гандлёва-прамысловай палаце, найбольш перспектыўнымі для двухбаковага ўзаемадзеяння бачацца сферы аховы здароўя, харчовай, лёгкай прамысловасці, машынабудавання, металургіі, паліўна-энергетычнай, горназдабыўной, хімічнай, дрэваапрацоўчай прамысловасці.-0-
