Фота з архіва
25 красавіка, Масква /Эдуард Півавар - БЕЛТА/. Іншаземцам, якія пражываюць у Расіі, у тым ліку грамадзянам Беларусі, а таксама тым, хто часта прыязджае ў РФ з дзелавымі або асабістымі мэтамі, для прадаўжэння выкарыстання SIM-картак расійскіх сотавых аператараў неабходна ў тэрмін да 1 ліпеня здаць свае біяметрычныя даныя. Адпаведныя паведамленні сталі атрымліваць замежныя кліенты расійскіх сотавых аператараў, паведамляе карэспандэнт БЕЛТА.
Напрыклад, у паведамленні кампаніі МТС гаворыцца: "Вам неабходна тэрмінова пацвердзіць свае персанальныя даныя для прадаўжэння выкарыстання гэтага нумара, паколькі ён зарэгістраваны на пашпарт іншай дзяржавы. Без гэтага ваш нумар хутка будзе заблакіраваны ў адпаведнасці з заканадаўствам Расійскай Федэрацыі, і вы не зможаце карыстацца паслугамі сувязі". Пры гэтым сотавыя аператары звяртаюць увагу, што новую расійскую SIM-картку таксама нельга будзе аформіць без пацвярджэння даных.
Прадастаўленне замежнымі грамадзянамі біяметрычных даных для карыстання паслугамі расійскіх сотавых аператараў прадугледжана змяненнямі ў федэральны закон "Аб сувязі", якія ўступаюць у сілу. Для грамадзян Беларусі ў іх не было зроблена выключэнняў, як, напрыклад, у выпадку, калі для іншаземцаў уводзілі абавязак здаваць біяметрыю пры ўездзе ў РФ праз маскоўскія аэрапорты - беларусаў ад гэтай працэдуры вызвалілі.
Для прадаўжэння карыстання расійскай SIM-карткай іншаземцам давядзецца прыкласці намаганні і затраціць час. Адзіная перавага для грамадзян Беларусі - не трэба перакладаць пашпарт на рускую мову і засведчваць яго ў натарыуса.
Першы крок - аформіць СНІАР (унікальны нумар індывідуальнага асабовага рахунку застрахаванай асобы ў сістэме абавязковага пенсійнага страхавання) у свайго расійскага работадаўца, у аддзяленні Сацыяльнага фонду РФ або ў многафункцыянальным цэнтры (МФЦ). Для атрымання СНІАР неабходна наяўнасць рэгістрацыі па месцы знаходжання ў РФ.
СНІАР, а таксама адрас электроннай пошты неабходны для рэгістрацыі на расійскім партале "Дзяржпаслугі". Пры гэтым самастойна можна зарэгістравацца на партале толькі пры наяўнасці расійскага мабільнага нумара і рахунку ў расійскім банку. У выпадку іх адсутнасці, трэба звярнуцца ў МФЦ або ў аддзяленне банка, дзе створаць асабісты кабінет на "Дзяржпаслугах" і адправяць копіі дакументаў (СНІАР, пашпарт) на праверку. Пасля яе пароль для першага ўваходу на "Дзяржпаслугі" прышлюць на электронную пошту ці на мабільны тэлефон.
Наступны этап - здача біяметрычных даных: голасу і скана твару. Гэта можна зрабіць у любым банкаўскім офісе, дзе ёсць абсталяванне для запісу біяметрыі. Для гэтай працэдуры таксама неабходны пашпарт і СНІАР. З банка даныя будуць перададзены ў расійскую адзіную біяметрычную сістэму.
Апошнюю працэдуру - пацвярджанне сваіх біяметрычных даных на партале "Дзяржпаслугі" - можна зрабіць самастойна.-0-
Напрыклад, у паведамленні кампаніі МТС гаворыцца: "Вам неабходна тэрмінова пацвердзіць свае персанальныя даныя для прадаўжэння выкарыстання гэтага нумара, паколькі ён зарэгістраваны на пашпарт іншай дзяржавы. Без гэтага ваш нумар хутка будзе заблакіраваны ў адпаведнасці з заканадаўствам Расійскай Федэрацыі, і вы не зможаце карыстацца паслугамі сувязі". Пры гэтым сотавыя аператары звяртаюць увагу, што новую расійскую SIM-картку таксама нельга будзе аформіць без пацвярджэння даных.
Прадастаўленне замежнымі грамадзянамі біяметрычных даных для карыстання паслугамі расійскіх сотавых аператараў прадугледжана змяненнямі ў федэральны закон "Аб сувязі", якія ўступаюць у сілу. Для грамадзян Беларусі ў іх не было зроблена выключэнняў, як, напрыклад, у выпадку, калі для іншаземцаў уводзілі абавязак здаваць біяметрыю пры ўездзе ў РФ праз маскоўскія аэрапорты - беларусаў ад гэтай працэдуры вызвалілі.
Для прадаўжэння карыстання расійскай SIM-карткай іншаземцам давядзецца прыкласці намаганні і затраціць час. Адзіная перавага для грамадзян Беларусі - не трэба перакладаць пашпарт на рускую мову і засведчваць яго ў натарыуса.
Першы крок - аформіць СНІАР (унікальны нумар індывідуальнага асабовага рахунку застрахаванай асобы ў сістэме абавязковага пенсійнага страхавання) у свайго расійскага работадаўца, у аддзяленні Сацыяльнага фонду РФ або ў многафункцыянальным цэнтры (МФЦ). Для атрымання СНІАР неабходна наяўнасць рэгістрацыі па месцы знаходжання ў РФ.
СНІАР, а таксама адрас электроннай пошты неабходны для рэгістрацыі на расійскім партале "Дзяржпаслугі". Пры гэтым самастойна можна зарэгістравацца на партале толькі пры наяўнасці расійскага мабільнага нумара і рахунку ў расійскім банку. У выпадку іх адсутнасці, трэба звярнуцца ў МФЦ або ў аддзяленне банка, дзе створаць асабісты кабінет на "Дзяржпаслугах" і адправяць копіі дакументаў (СНІАР, пашпарт) на праверку. Пасля яе пароль для першага ўваходу на "Дзяржпаслугі" прышлюць на электронную пошту ці на мабільны тэлефон.
Наступны этап - здача біяметрычных даных: голасу і скана твару. Гэта можна зрабіць у любым банкаўскім офісе, дзе ёсць абсталяванне для запісу біяметрыі. Для гэтай працэдуры таксама неабходны пашпарт і СНІАР. З банка даныя будуць перададзены ў расійскую адзіную біяметрычную сістэму.
Апошнюю працэдуру - пацвярджанне сваіх біяметрычных даных на партале "Дзяржпаслугі" - можна зрабіць самастойна.-0-
Падпісвайцеся на нас у
