Мабільная версія
ДЗЯРЖОРГАНЫ

Апошнія навіны
Усе навіны

Беларусь займае 2-е месца сярод краін СНД па колькасці студэнтаў

Грамадства 14.11.2019 | 18:45
Фота з архіва
Фота з архіва

14 лістапада, Мінск /Кар. БЕЛТА/. Беларусь трапіла ў топ-5 краін СНД з найбольшай колькасцю студэнтаў у ВНУ. Такая інфармацыя прыводзіцца ў статыстычным аглядзе да Міжнароднага дня студэнтаў (17 лістапада), апублікаваным на сайце Белстата, паведамляе БЕЛТА.

Кожны сёмы малады чалавек у Беларусі - студэнт. У 2018/2019 навучальным годзе ў рэспубліцы на 10 тыс. насельніцтва прыпадала 298 студэнтаў. Гэта адзін з самых высокіх паказчыкаў у СНД. У топ-5 краін з найбольшай колькасцю студэнтаў у ВНУ Беларусь займае другі радок. На першым Украіна з паказчыкам 314 на 10 тыс. насельніцтва, на трэцім Казахстан - 295, затым ідуць Расія - 284 і Арменія - 271.

У мінулым навучальным годзе 268,1 тыс. студэнтаў навучаліся больш як па 400 спецыяльнасцях і напрамках у 51 установе вышэйшай адукацыі. Самыя шматлікія: Беларускі дзяржаўны ўніверсітэт, Беларускі нацыянальны тэхнічны ўніверсітэт, Беларускі дзяржаўны эканамічны ўніверсітэт, Беларускі дзяржаўны ўніверсітэт інфарматыкі і радыёэлектронікі. Замыкае пяцёрку Гродзенскі дзяржаўны ўніверсітэт імя Я.Купалы.

У студэнцкім асяроддзі пераважаюць дзяўчаты (113 да 100). Стыпендыю на дзённай форме навучання атрымлівалі 82,9 тыс. студэнтаў, у інтэрнатах ВНУ пражывалі 78,9 тыс., або 83,6 працэнта ад колькасці маючых патрэбу ў іх.

У мінулым навучальным годзе ў беларускіх ВНУ навучаліся 15,5 тыс. іншаземцаў (5,8 працэнта ад агульнай колькасці студэнтаў), амаль 68 працэнтаў з іх - прадстаўнікі краін СНД.

Штогод усё больш студэнтаў вырашаюць прадаўжаць навучанне на другой ступені вышэйшай адукацыі - у магістратуры. За апошнія 10 гадоў колькасць магістрантаў вырасла ў 3,4 раза і ў 2018/2019 навучальным годзе дасягнула 14,7 тыс. чалавек.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.