![Фота з архіва Фота з архіва](https://blr.belta.by/images/storage/news/with_archive/2024/000022_1724314709_134991_big.jpg)
Фота з архіва
22 жніўня, Мінск /Кар. БЕЛТА/. Беларусь з 1 лістапада 2024 года ўводзіць ліцэнзаванне вывазу таматаў. Гэта прадугледжана пастановай Савета Міністраў ад 20 жніўня 2024 года нумар 611, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.
Вывозіць таматы можна будзе толькі па разавых ліцэнзіях, якія выдаюцца Міністэрствам антыманапольнага рэгулявання і гандлю па ўзгадненні з абласнымі (Мінскім гарадскім) выканаўчымі камітэтамі. Дзеянне пастановы не распаўсюджваецца на тавар, што вывозіцца за межы Беларусі для аказання міжнароднай гуманітарнай дапамогі замежным дзяржавам на аснове рашэнняў урада Беларусі, а таксама ў якасці прыпасаў. Дакумент не датычыцца і таматаў, што перавозяцца ў рамках міжнародных транзітных перавозак, якія пачынаюцца і заканчваюцца за межамі тэрыторыі нашай краіны.
Юрыдычная асоба, індывідуальны прадпрымальнік для атрымання ўзгаднення выдачы ліцэнзіі на вываз тавару звяртаецца ў абласны (Мінскі гарадскі) выканаўчы камітэт з прадстаўленнем наступных дакументаў: заява ў адвольнай форме аб узгадненні выдачы ліцэнзіі на вываз тавару; заява аб выдачы ліцэнзіі (у двух экзэмплярах), аформленая ў адпаведнасці з дадаткам нумар 1 да правіл выдачы ліцэнзій і дазволаў на экспарт і (або) імпарт тавараў, уключаных у адзіны пералік тавараў, да якіх прымяняюцца меры нетарыфнага рэгулявання ў гандлі з трэцімі краінамі.
Абласны (Мінскі гарадскі) выканаўчы камітэт на працягу пяці каляндарных дзён з дня прадстаўлення дакументаў накіроўвае запыт аб узгадненні вывазу тавару ў Міністэрства сельскай гаспадаркі і харчавання з прыкладаннем дакументаў. Мінсельгасхарч на працягу двух рабочых дзён з дня атрымання запыту па выніках яго разгляду накіроўвае ў абласны (Мінскі гарадскі) выканаўчы камітэт пісьмо аб узгадненні або аб адмове ва ўзгадненні вывазу тавару. Падставай для адмовы з'яўляецца невыкананне на дату прадстаўлення ў Мінсельгасхарч дакументаў забяспечанасці ўнутранага рынку Беларусі за кошт таматаў айчыннай вытворчасці не менш за 70 працэнтаў.
Абласны (Мінскі гарадскі) выканаўчы камітэт на працягу васьмі рабочых дзён з дня прадстаўлення дакументаў зацікаўленай асобай разглядае іх і прымае рашэнне аб узгадненні або аб адмове ва ўзгадненні выдачы ліцэнзіі на вываз тавару. Галоўная дзяржаўная інспекцыя па насенняводстве, каранціне і ахове раслін і яе тэрытарыяльныя арганізацыі ў абласцях ажыццяўляюць выдачу фітасанітарных сертыфікатаў на вывозімы за межы Беларусі тавар пры наяўнасці ліцэнзіі на яго вываз.
Пастанова дзейнічае да 2 сакавіка 2025 года.-0-
Вывозіць таматы можна будзе толькі па разавых ліцэнзіях, якія выдаюцца Міністэрствам антыманапольнага рэгулявання і гандлю па ўзгадненні з абласнымі (Мінскім гарадскім) выканаўчымі камітэтамі. Дзеянне пастановы не распаўсюджваецца на тавар, што вывозіцца за межы Беларусі для аказання міжнароднай гуманітарнай дапамогі замежным дзяржавам на аснове рашэнняў урада Беларусі, а таксама ў якасці прыпасаў. Дакумент не датычыцца і таматаў, што перавозяцца ў рамках міжнародных транзітных перавозак, якія пачынаюцца і заканчваюцца за межамі тэрыторыі нашай краіны.
Юрыдычная асоба, індывідуальны прадпрымальнік для атрымання ўзгаднення выдачы ліцэнзіі на вываз тавару звяртаецца ў абласны (Мінскі гарадскі) выканаўчы камітэт з прадстаўленнем наступных дакументаў: заява ў адвольнай форме аб узгадненні выдачы ліцэнзіі на вываз тавару; заява аб выдачы ліцэнзіі (у двух экзэмплярах), аформленая ў адпаведнасці з дадаткам нумар 1 да правіл выдачы ліцэнзій і дазволаў на экспарт і (або) імпарт тавараў, уключаных у адзіны пералік тавараў, да якіх прымяняюцца меры нетарыфнага рэгулявання ў гандлі з трэцімі краінамі.
Абласны (Мінскі гарадскі) выканаўчы камітэт на працягу пяці каляндарных дзён з дня прадстаўлення дакументаў накіроўвае запыт аб узгадненні вывазу тавару ў Міністэрства сельскай гаспадаркі і харчавання з прыкладаннем дакументаў. Мінсельгасхарч на працягу двух рабочых дзён з дня атрымання запыту па выніках яго разгляду накіроўвае ў абласны (Мінскі гарадскі) выканаўчы камітэт пісьмо аб узгадненні або аб адмове ва ўзгадненні вывазу тавару. Падставай для адмовы з'яўляецца невыкананне на дату прадстаўлення ў Мінсельгасхарч дакументаў забяспечанасці ўнутранага рынку Беларусі за кошт таматаў айчыннай вытворчасці не менш за 70 працэнтаў.
Абласны (Мінскі гарадскі) выканаўчы камітэт на працягу васьмі рабочых дзён з дня прадстаўлення дакументаў зацікаўленай асобай разглядае іх і прымае рашэнне аб узгадненні або аб адмове ва ўзгадненні выдачы ліцэнзіі на вываз тавару. Галоўная дзяржаўная інспекцыя па насенняводстве, каранціне і ахове раслін і яе тэрытарыяльныя арганізацыі ў абласцях ажыццяўляюць выдачу фітасанітарных сертыфікатаў на вывозімы за межы Беларусі тавар пры наяўнасці ліцэнзіі на яго вываз.
Пастанова дзейнічае да 2 сакавіка 2025 года.-0-