Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Беларусь вядзе перагаворы аб арганізацыі прамых авіярэйсаў у Мінск з Амерыкі і Індыі

Грамадства 14.05.2019 | 15:42
Фота з архіва
Фота з архіва

14 мая, Мінск /Кар. БЕЛТА/. Беларусь вядзе перагаворы з замежнымі краінамі аб арганізацыі прамых рэйсаў у Нацыянальны аэрапорт Мінск з Паўднёвай і Паўночнай Амерыкі, а таксама з Індыі. Аб гэтым карэспандэнту БЕЛТА паведаміў намеснік прэм'ер-міністра Уладзімір Кухараў.

Пачатак эксплуатацыі другой узлётна-пасадачнай паласы дазволіў прымаць у Нацыянальным аэрапорце ўсе віды паветраных суднаў. Адпаведна з'явілася магчымасць арганізаваць прамыя пералёты з краін далёкага замежжа. "Для гэтага мы цяпер цесна працуем з усімі краінамі свету. У тым ліку абмяркоўваюцца пералёты ў Паўночную і Паўднёвую Амерыку, у Індыю. Пры гэтым улічваюцца далёкасць рэйсаў, колькасць пасажыраў", - сказаў віцэ-прэм'ер.

Паводле яго слоў, пакуль рана гаварыць аб канкрэтнай даце, калі можа адбыцца першы для беларускага аэрапорта трансатлантычны рэйс. Тым не менш, Уладзімір Кухараў не сумняваецца, што гэта здарыцца. "З улікам нашага тэрытарыяльнага месцаразмяшчэння гэта ўсё роўна адбудзецца, толькі пытанне часу", - дадаў ён.

Гэта і іншыя перспектыўныя напрамкі развіцця паветранага транспарту будуць адлюстраваны ў новай канцэпцыі развіцця транспартнай галіны да 2030 года. Цяпер дакумент распрацоўваецца. Як растлумачыў віцэ-прэм'ер, у ліку асноўных палажэнняў канцэпцыі - развіццё чыгуначнага транспарту ва ўмовах пераходу на электрычную сістэму і павелічэнне грузаперавозак.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.