Сцяг Пятніца, 29 сакавіка 2024
Усе навіны
Усе навіны
Грамадства
26 студзеня 2023, 16:46

Беларусь прыняла на навучанне ў медыцынскія ВНУ індыйскіх студэнтаў, якія вярнуліся з Украіны

26 студзеня, Мінск /Кар. БЕЛТА/. Беларусь прыняла на навучанне ў медыцынскія ВНУ індыйскіх студэнтаў з Украіны. Аб гэтым расказаў Надзвычайны і Паўнамоцны Пасол Рэспублікі Індыя ў Рэспубліцы Беларусь Алок Ранджан Джа ў інтэрв'ю карэспандэнту БЕЛТА ў дзень нацыянальнага свята, якое адзначаецца 26 студзеня.

"Я хацеў бы скарыстацца магчымасцю, каб падзякаваць беларускім уладам за садзейнічанне ў пераводзе ў ВНУ Беларусі індыйскіх студэнтаў, якія раней навучаліся ва Украіне", - сказаў кіраўнік дыпламатычнай місіі.

Цяпер у Беларусі вучыцца амаль тысяча індыйскіх студэнтаў. "Большасць з іх навучаюцца ў медыцынскіх ВНУ, якасць адукацыі ў якіх вельмі высокая", - адзначыў пасол.

Алок Ранджан Джа запрасіў беларускія вышэйшыя навучальныя ўстановы да супрацоўніцтва ў сумесных праектах і даследаваннях з індыйскімі калегамі, такімі як група індыйскіх інстытутаў тэхналогій і група нацыянальных тэхнічных інстытутаў і іншымі адукацыйнымі ўстановамі.

Пасол дадаў, што яшчэ з часоў Савецкага Саюза Індыя зацікаўлена ў развіцці ўсебаковых адносін паміж нашымі народамі.-0-

Падпісвайцеся на нас у
Twitter
Топ-навіны
Свежыя навіны Беларусі