Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Беларусь прадоўжыць актыўнае ўзаемадзеянне з МАГАТЭ пры развіцці атамнай энергетыкі - Міхадзюк

Грамадства 18.09.2018 | 16:50
Міхаіл Міхадзюк. Фота з архіва
Міхаіл Міхадзюк. Фота з архіва

18 верасня, Мінск /Кар. БЕЛТА/. Беларусь прадоўжыць актыўнае ўзаемадзеянне з МАГАТЭ пры рэалізацыі нацыянальнай ядзернай энергетычнай праграмы. А гэтым заявіў сёння намеснік міністра энергетыкі Беларусі Міхаіл Міхадзюк на пленарным пасяджэнні 62-й сесіі Генеральнай канферэнцыі МАГАТЭ, якая праходзіць у штаб-кватэры агенцтва ў Вене 17-21 верасня, паведамляе БЕЛТА.

"Беларусь падтрымлівае шматпланавую дзейнасць агенцтва ў галіне тэхнічнай дапамогі. Праграма тэхнічнага супрацоўніцтва МАГАТЭ з'яўляецца дзейсным механізмам для рэалізацыі агенцтвам сваіх статутных задач, звязаных з асваеннем мірнага атама, забеспячэннем доступу зацікаўленых краін да яго выгод і ўмацаваннем міжнароднага супрацоўніцтва", - адзначыў Міхаіл Міхадзюк.

Беларусь падзяляе думку аб тым, што ў недалёкай перспектыве ядзерная энергетыка будзе захоўваць свае пазіцыі і патэнцыял для развіцця. Беларускі бок вітае прымаемыя МАГАТЭ крокі, накіраваныя на садзейнічанне дзяржавам-членам у стварэнні і развіцці ядзернай энергетычнай інфраструктуры.

"Узаемадзеянне Беларусі і МАГАТЭ па гэтым пытанні разгарнулася з першых дзён рэалізацыі нашай нацыянальнай ядзернай энергетычнай праграмы. Наша краіна актыўна выкарыстоўвае ўвесь спектр інструментаў агенцтва - ад праектаў тэхнічнага супрацоўніцтва да экспертных місій і партнёрскіх разглядаў", - падкрэсліў Міхаіл Міхадзюк.

Для краін-навічкоў у МАГАТЭ распрацаваны падыход "Вехі", якому ў гэтым годзе спаўняецца дзесяць гадоў і які ўяўляе сабой інтэграваную інструкцыю па ўсіх стадыях развіцця новых ядзерных энергетычных праграм. Беларусь карыстаецца гэтым падыходам. "Перакананы ў яго высокай практычнай карыснасці. Чакаем, што ў перспектыве ў рамках гэтага падыходу з'явіцца і дарожная карта выкарыстання інструментаў МАГАТЭ, рэлевантных для краін-навічкоў", - сказаў намеснік міністра.

Паводле яго слоў, будаўніцтва першай беларускай атамнай электрастанцыі паспяхова прадаўжаецца. Завяршаецца этап будаўнічых работ на першым энергаблоку. Намеснік міністра таксама адзначыў усебаковае канструктыўнае ўзаемадзеянне з краінай-пастаўшчыком - Расіяй. Беларускі вопыт такога ўзаемадзеяння для паспяховай рэалізацыі ядзернай энергетычнай праграмы будзе прадстаўлены на асобным мерапрыемстве на палях сесіі Генеральнай канферэнцыі МАГАТЭ.

Беларусь вітае ўсё больш важкі ўклад МАГАТЭ ў стварэнне надзейнай інфраструктуры ядзернай бяспекі па ўсім свеце. "Глабальны попыт на паслугі МАГАТЭ няўхільна расце. Ядзерная бяспека прадоўжыць заставацца ў фокусе павышанай увагі, і ў тым ліку ад якасці работы агенцтва будзе залежаць давер міжнароднай супольнасці да мірнага атама", - рэзюмаваў намеснік міністра.

Беларуская АЭС будуецца па тыпавым расійскім праекце ВВЭР-1200 пакалення "3+" паблізу Астраўца (Гродзенская вобласць). Першы энергаблок плануецца ўвесці ў эксплуатацыю ў 2019 годзе, другі - у 2020 годзе. Першая пастаўка ядзернага паліва на станцыю запланавана да канца 2018 года.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.