Фота з архіва
3 верасня, Мінск /Кар. БЕЛТА/. Беларусь плануе ўдзельнічаць у расійскай праграме развіцця сінхратронных і нейтронных даследаванняў. Аб гэтым заявіў акадэмік-сакратар Аддзялення фізіка-тэхнічных навук Нацыянальнай акадэміі навук Беларусі Сяргей Шчарбакоў у час Х Міжнароднага форуму тэхналагічнага развіцця "Тэхнапрам-2024", які прайшоў у Новасібірску, паведамілі БЕЛТА ў прэс-службе НАН.
Адбылася рабочая сустрэча кіраўнікоў і спецыялістаў РАН, Сібірскага аддзялення РАН і Нацыянальнай акадэміі навук Беларусі. Былі абмеркаваны пытанні па выкананні дарожнай карты супрацоўніцтва паміж НАН Беларусі і СА РАН на 2023-2025 гады, узаемадзеяння ў рамках мегасаенс-праекта "СКІФ". У час сустрэчы акадэмік-сакратар Аддзялення фізіка-тэхнічных навук НАН Беларусі Сяргей Шчарбакоў выказаў гатоўнасць беларускіх навуковых калектываў працаваць у рамках нацыянальных праектаў РФ. Ён інфармаваў аб афіцыйна аформленым намеры НАН Беларусі ўдзельнічаць у расійскай праграме развіцця сінхратронных і нейтронных даследаванняў з дапамогай сумесных эксперыментаў на ўводзімых у эксплуатацыю ўстаноўках класа мегасаенс: СКІФ у новасібірскім навукаградзе Кальцова і ПІК у Гатчыне пад Санкт-Пецярбургам.
Акадэмік-сакратар Аддзялення фізікі, матэматыкі і інфарматыкі НАН Беларусі Аляксандр Шумілін у сваю чаргу паведаміў, што ў рамках Саюзнай дзяржавы прынята стратэгія навукова-тэхналагічнага развіцця, дзе з беларускага боку галаўной арганізацыяй вызначана НАН Беларусі, з расійскага - Нацыянальны даследчы цэнтр "Курчатаўскі інстытут". "Гэта аўтарытэтная, буйная арганізацыя, але яна не прадстаўляе ўсю расійскую навуку. Быў бы вельмі карысны ўдзел Расійскай акадэміі навук і яе структур", - адзначыў ён.
Акадэмік-сакратар Аддзялення хіміі і навук аб Зямлі НАН Беларусі Аляксей Труханаў выступіў з ідэяй стварэння расійска-беларускага "наднацыянальнага навуковага органа", здольнага фінансаваць і каардынаваць усе сумесныя даследаванні. "У нас адзіная эканоміка, адзіны рынак, павінна быць і адзіная навука", - лічыць ён.
У час работы форуму "Тэхнапрам-2024" вялікі інтарэс выклікала экспазіцыя НАН Беларусі, на якой былі прадстаўлены ЗВЧ-элементы, прэцызійныя фоташаблоны, датчыкі, юсціровачныя платы, метэаблок. Падпісаны дагавор паміж ААТ "Мінскі НДІ радыёматэрыялаў" (прадпрыемства Аддзялення фізікі, матэматыкі і інфарматыкі НАН Беларусі) і Інстытутам аўтаматыкі і электраметрыі Сібірскага аддзялення Расійскай акадэміі навук на выкананне навукова-даследчых і доследна-канструктарскіх работ.-0-
Адбылася рабочая сустрэча кіраўнікоў і спецыялістаў РАН, Сібірскага аддзялення РАН і Нацыянальнай акадэміі навук Беларусі. Былі абмеркаваны пытанні па выкананні дарожнай карты супрацоўніцтва паміж НАН Беларусі і СА РАН на 2023-2025 гады, узаемадзеяння ў рамках мегасаенс-праекта "СКІФ". У час сустрэчы акадэмік-сакратар Аддзялення фізіка-тэхнічных навук НАН Беларусі Сяргей Шчарбакоў выказаў гатоўнасць беларускіх навуковых калектываў працаваць у рамках нацыянальных праектаў РФ. Ён інфармаваў аб афіцыйна аформленым намеры НАН Беларусі ўдзельнічаць у расійскай праграме развіцця сінхратронных і нейтронных даследаванняў з дапамогай сумесных эксперыментаў на ўводзімых у эксплуатацыю ўстаноўках класа мегасаенс: СКІФ у новасібірскім навукаградзе Кальцова і ПІК у Гатчыне пад Санкт-Пецярбургам.
Акадэмік-сакратар Аддзялення фізікі, матэматыкі і інфарматыкі НАН Беларусі Аляксандр Шумілін у сваю чаргу паведаміў, што ў рамках Саюзнай дзяржавы прынята стратэгія навукова-тэхналагічнага развіцця, дзе з беларускага боку галаўной арганізацыяй вызначана НАН Беларусі, з расійскага - Нацыянальны даследчы цэнтр "Курчатаўскі інстытут". "Гэта аўтарытэтная, буйная арганізацыя, але яна не прадстаўляе ўсю расійскую навуку. Быў бы вельмі карысны ўдзел Расійскай акадэміі навук і яе структур", - адзначыў ён.
Акадэмік-сакратар Аддзялення хіміі і навук аб Зямлі НАН Беларусі Аляксей Труханаў выступіў з ідэяй стварэння расійска-беларускага "наднацыянальнага навуковага органа", здольнага фінансаваць і каардынаваць усе сумесныя даследаванні. "У нас адзіная эканоміка, адзіны рынак, павінна быць і адзіная навука", - лічыць ён.
У час работы форуму "Тэхнапрам-2024" вялікі інтарэс выклікала экспазіцыя НАН Беларусі, на якой былі прадстаўлены ЗВЧ-элементы, прэцызійныя фоташаблоны, датчыкі, юсціровачныя платы, метэаблок. Падпісаны дагавор паміж ААТ "Мінскі НДІ радыёматэрыялаў" (прадпрыемства Аддзялення фізікі, матэматыкі і інфарматыкі НАН Беларусі) і Інстытутам аўтаматыкі і электраметрыі Сібірскага аддзялення Расійскай акадэміі навук на выкананне навукова-даследчых і доследна-канструктарскіх работ.-0-
Падпісвайцеся на нас у
