Ігар Сякрэта. Фота МЗС
15 красавіка, Мінск /Кар. БЕЛТА/. Намеснік міністра замежных спраў Рэспублікі Беларусь Ігар Сякрэта 14 красавіка ў якасці нацыянальнага каардынатара ад Рэспублікі Беларусь прыняў удзел у трэцяй сустрэчы нацыянальных каардынатараў - членаў Групы сяброў у абарону Статута ААН, якая праходзіць у Маскве. Аб гэтым БЕЛТА паведамілі ў прэс-службе беларускага знешнепалітычнага ведамства.
Група сяброў у абарону Статута ААН была створана ў 2021 годзе і цяпер аб'ядноўвае 19 дзяржаў. Гэта Алжыр, Беларусь, Балівія, Венесуэла, Зімбабвэ, Іран, Кітай, КНДР, Куба, Лаос, Малі, Нікарагуа, Палесціна, Расія, Сент-Вінсент і Грэнадзіны, Сірыя, Уганда, Экватарыяльная Гвінея і Эрытрэя. Група выступае ў рамках ААН і на іншых міжнародных пляцоўках за захаванне вяршэнства міжнароднага права і палажэнняў Статута ААН у міжнародных адносінах.
Ігар Сякрэта выступіў у агульнай дыскусіі на пасяджэнні нацыянальных каардынатараў Групы. У сваім выступленні намеснік міністра заклікаў удзяліць асаблівую ўвагу ў 2025 годзе мерапрыемствам, прысвечаным 80-годдзю заснавання ААН. Ён падкрэсліў значнасць Міжнароднага дня дэлегата, які быў заснаваны па ініцыятыве Беларусі і будзе адзначацца міжнароднай супольнасцю 25 красавіка - у дзень, калі 80 гадоў таму пачала сваю работу Міжнародная канферэнцыя па стварэнні Арганізацыі Аб'яднаных Нацый у Сан-Францыска. Была таксама заяўлена цвёрдая падтрымка рабоце Групы сяброў па заснаванні Міжнароднага дня супраць каланіялізму і міжнароднага дня барацьбы з аднабаковымі прымусовымі мерамі.
Намеснік кіраўніка МЗС Беларусі заклікаў удзельнікаў Групы да далейшых мер па інфармаванні міжнароднай супольнасці аб негатыўным уплыве прымянення аднабаковых прымусовых мер на глабальную харчовую бяспеку і ўстойлівае развіццё.
На палях сустрэчы Групы сяброў у абарону Статута ААН Ігар Сякрэта таксама правёў рабочую сустрэчу з намеснікам міністра замежных спраў Расійскай Федэрацыі Сяргеем Вяршыніным. У ходзе размовы былі закрануты актуальныя пытанні супрацоўніцтва паміж Рэспублікай Беларусь і Расійскай Федэрацыяй у рамках міжнародных арганізацый. Асаблівая ўвага была ўдзелена каардынацыі дзеянняў дзвюх краін па захаванні цэнтральнай ролі ААН у вырашэнні пытанняў падтрымання міжнароднага міру і бяспекі, арганізацыі міжнароднага садзейнічання маючым патрэбу ў ім краінам свету ў эканамічным і сацыяльным развіцці. Акрамя таго, былі абмеркаваны таксама сумесныя крокі Беларусі і Расіі па падтрымцы ініцыятыў адзін аднаго ў Генеральнай асамблеі і іншых органах ААН. Былі таксама разгледжаны шляхі ўдасканалення работы Групы сяброў у абарону Статута ААН, далейшае нарошчванне яе патэнцыялу для абароны ў ААН і на іншых міжнародных пляцоўках агульных інтарэсаў.
Мерапрыемствы трэцяй сустрэчы нацыянальных каардынатараў дзяржаў - членаў Групы сяброў у абарону Статута ААН прадоўжацца 15 красавіка. У намесніка міністра замежных спраў Беларусі запланаваны шэраг двухбаковых сустрэч.-0-
Група сяброў у абарону Статута ААН была створана ў 2021 годзе і цяпер аб'ядноўвае 19 дзяржаў. Гэта Алжыр, Беларусь, Балівія, Венесуэла, Зімбабвэ, Іран, Кітай, КНДР, Куба, Лаос, Малі, Нікарагуа, Палесціна, Расія, Сент-Вінсент і Грэнадзіны, Сірыя, Уганда, Экватарыяльная Гвінея і Эрытрэя. Група выступае ў рамках ААН і на іншых міжнародных пляцоўках за захаванне вяршэнства міжнароднага права і палажэнняў Статута ААН у міжнародных адносінах.
Ігар Сякрэта выступіў у агульнай дыскусіі на пасяджэнні нацыянальных каардынатараў Групы. У сваім выступленні намеснік міністра заклікаў удзяліць асаблівую ўвагу ў 2025 годзе мерапрыемствам, прысвечаным 80-годдзю заснавання ААН. Ён падкрэсліў значнасць Міжнароднага дня дэлегата, які быў заснаваны па ініцыятыве Беларусі і будзе адзначацца міжнароднай супольнасцю 25 красавіка - у дзень, калі 80 гадоў таму пачала сваю работу Міжнародная канферэнцыя па стварэнні Арганізацыі Аб'яднаных Нацый у Сан-Францыска. Была таксама заяўлена цвёрдая падтрымка рабоце Групы сяброў па заснаванні Міжнароднага дня супраць каланіялізму і міжнароднага дня барацьбы з аднабаковымі прымусовымі мерамі.
Намеснік кіраўніка МЗС Беларусі заклікаў удзельнікаў Групы да далейшых мер па інфармаванні міжнароднай супольнасці аб негатыўным уплыве прымянення аднабаковых прымусовых мер на глабальную харчовую бяспеку і ўстойлівае развіццё.
На палях сустрэчы Групы сяброў у абарону Статута ААН Ігар Сякрэта таксама правёў рабочую сустрэчу з намеснікам міністра замежных спраў Расійскай Федэрацыі Сяргеем Вяршыніным. У ходзе размовы былі закрануты актуальныя пытанні супрацоўніцтва паміж Рэспублікай Беларусь і Расійскай Федэрацыяй у рамках міжнародных арганізацый. Асаблівая ўвага была ўдзелена каардынацыі дзеянняў дзвюх краін па захаванні цэнтральнай ролі ААН у вырашэнні пытанняў падтрымання міжнароднага міру і бяспекі, арганізацыі міжнароднага садзейнічання маючым патрэбу ў ім краінам свету ў эканамічным і сацыяльным развіцці. Акрамя таго, былі абмеркаваны таксама сумесныя крокі Беларусі і Расіі па падтрымцы ініцыятыў адзін аднаго ў Генеральнай асамблеі і іншых органах ААН. Былі таксама разгледжаны шляхі ўдасканалення работы Групы сяброў у абарону Статута ААН, далейшае нарошчванне яе патэнцыялу для абароны ў ААН і на іншых міжнародных пляцоўках агульных інтарэсаў.
Мерапрыемствы трэцяй сустрэчы нацыянальных каардынатараў дзяржаў - членаў Групы сяброў у абарону Статута ААН прадоўжацца 15 красавіка. У намесніка міністра замежных спраў Беларусі запланаваны шэраг двухбаковых сустрэч.-0-
Падпісвайцеся на нас у
