Мабільная версія
ДЗЯРЖОРГАНЫ
Апошнія навіны
Усе навіны

Беларусь і Турцыя маюць намер умацоўваць супрацоўніцтва ў сферы турызму

Грамадства 14.04.2018 | 18:00

14 красавіка, Мінск /Кар. БЕЛТА/. Беларусь і Турцыя абмеркавалі меры па ўмацаванні супрацоўніцтва ў сферы турызму. Аб гэтым ішла размова на сустрэчы намесніка міністра спорту і турызму Міхаіла Партнога з Надзвычайным і Паўнамоцным Паслом Турцыі ў Беларусі Кезбан Нілванай Дарамай, паведамілі БЕЛТА ў прэс-службе Мінспорту.

Міхаіл Партной адзначыў, што дзякуючы намаганням кіраўніцтва дзвюх краін беларуска-турэцкія адносіны развіваюцца дынамічна. "Умацоўваецца ўзаемадавер, ажыццяўляецца практычнае супрацоўніцтва ва ўсіх галінах, у тым ліку і ў сферы турызму", - дадаў ён.

Намеснік міністра нагадаў, што ў снежні 2017 года ў рамках пасяджэння змешанай беларуска-турэцкай камісіі па турызме была падпісана праграма супрацоўніцтва ў галіне турызму паміж профільнымі міністэрствамі дзвюх краін на 2018-2019 гады. Яна прадугледжвае паглыбленне ўзаемадзеяння ў развіцці турысцкага абмену, прасоўванні нацыянальнага турыстычнага прадукту, удасканаленні заканадаўства ў сферы турызму, абмене інфармацыяй аб інвестыцыйных прапановах, абароне інтарэсаў і гарантаванні бяспекі турыстаў. Праграма напоўнена канкрэтнымі мерапрыемствамі, частка з якіх паспяхова ўжо выконваецца.

Турцыя традыцыйна з'яўляецца адным з папулярных напрамкаў для адпачынку і аздараўлення беларускіх грамадзян. У 2016 годзе гэту краіну наведалі больш як 57,5 ​​тыс. арганізаваных беларускіх турыстаў і экскурсантаў, у 2017-м - больш за 140 тыс. Узрастае папулярнасць адпачынку ў Беларусі і ў турэцкіх грамадзян. У 2017 годзе Беларусь наведалі каля 31,5 тыс. турыстаў з Турцыі, што больш як на 6 працэнтаў, чым у 2016 годзе. Асаблівай папулярнасцю ў турэцкіх турыстаў карыстаюцца Мінск, нацыянальныя паркі, адпачынак у аграсядзібах. Спартсмены з Турцыі рэгулярна ўдзельнічаюць у міжнародных спаборніцтвах, якія праходзяць у Беларусі.

Кезбан Нілвана Дарама выказала зацікаўленасць у далейшым паглыбленні супрацоўніцтва з беларускімі калегамі, у абмене карыснай інфармацыяй, вопытам у арганізацыі гасцінічнага і рэстараннага бізнесу, маркетынгу і турысцкай індустрыі ў цэлым. Яна папрасіла інфармаваць пасольства, калі грамадзяне Беларусі будуць сутыкацца з якімі-небудзь праблемамі ў час наведвання Турцыі, і паабяцала аператыўна рэагаваць на любыя звароты. Пасол таксама адзначыла вялікі турыстычны патэнцыял Беларусі.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Спрашчэнне працэдуры дзяржрэгістрацыі і зняцця з уліку аўтамабіляў Савет Міністраў скарэкціраваў палажэнне аб парадку дзяржаўнай рэгістрацыі і дзяржаўнага ўліку транспартных сродкаў, зняцця з уліку і ўнясення змяненняў у дакументы, звязаныя з рэгістрацыяй транспартных сродкаў.