Мабільная версія
ДЗЯРЖОРГАНЫ

Апошнія навіны
Усе навіны

Беларусь і Расія актывізуюць сумесныя намаганні ў забеспячэнні інфармацыйнай бяспекі

Грамадства 13.03.2019 | 13:05
Намеснік сакратара Савета Бяспекі Расійскай Федэрацыі Алег Храмаў і намеснік дзяржаўнага сакратара Савета бяспекі Рэспублікі Беларусь Уладзімір Арчакоў
Намеснік сакратара Савета Бяспекі Расійскай Федэрацыі Алег Храмаў і намеснік дзяржаўнага сакратара Савета бяспекі Рэспублікі Беларусь Уладзімір Арчакоў

13 сакавіка, Мінск /Кар. БЕЛТА/. Беларусь і Расія маюць намер актывізаваць сумесныя намаганні ў сферы забеспячэння інфармацыйнай бяспекі. Такое меркаванне выказаў журналістам намеснік сакратара Савета бяспекі Расійскай Федэрацыі Алег Храмаў перад пачаткам беларуска-расійскіх міжведамасных кансультацый па пытаннях міжнароднай інфармацыйнай бяспекі, перадае карэспандэнт БЕЛТА.

"Усе цудоўна разумеюць, што пытанні інфармацыйнай бяспекі ў сучасных умовах з'яўляюцца аднымі з самых асноватворных у жыцці чалавецтва і кожнага з народаў, кожнай з дзяржаў", - адзначыў Алег Храмаў. У Беларусі і Расіі гэтыя пытанні даўно знаходзяцца ў цэнтры ўвагі дзяржаўных структур, дзейнічае міжурадавае пагадненне ў галіне забеспячэння інфармацыйнай бяспекі.

"Мы сёння сабраліся, каб надаць рабоце ў рамках пагаднення новы імпульс. Наша работа будзе нацэлена на тое, каб забяспечыць спакойныя ўмовы для жыцця грамадзян", - растлумачыў Алег Храмаў.

Ён падкрэсліў, што тэма інфармацыйнай бяспекі ўсё часцей гучыць і на міжнародным узроўні. "Ёсць дакладнае рашэнне ў рамках АДКБ, прыняты дзве рэзалюцыі на 73-й сесіі Генеральнай асамблеі ААН па ініцыятыве Расіі і пры прамой падтрымцы Беларусі. Гэтыя міжнародныя акты накіраваны на тое, каб канчаткова завяршыць працэс міжнароднага прававога рэгулявання тэм, звязаных з існаваннем віртуальнай рэальнасці, з адказнасцю дзяржаў у сувязі з гэтым. Адна з рэзалюцый датычыцца процідзеяння і барацьбы са злачыннасцю ў гэтай сферы", - сказаў намеснік сакратара Савета бяспекі Расіі.

Паводле яго слоў, дадатковай падставай для абмеркавання стане рашэнне Беларусі прыняць Канцэпцыю інфармацыйнай бяспекі. У час сустрэчы пойдзе размова аб тым, як забяспечваць інфармацыйную бяспеку ў рамках Саюзнай дзяржавы.-0-

Фота Мікалая Пятрова

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сезон актыўнасці кляшчоў У Беларусі пачынаецца сезон актыўнасці кляшчоў. Выконвайце меры прафілактыкі ўкусаў кляшчоў.