Фота з архіва
8 кастрычніка, Мінск /Кар. БЕЛТА/. Беларускі дзяржаўны ўніверсітэт пашырыць міжнароднае ўзаемадзеянне ў рамках Універсітэцкай сеткі навукова-даследчага супрацоўніцтва (iUNRC). Аб гэтым БЕЛТА паведамілі ў прэс-службе ВНУ.
Гэта пытанне стала прыярытэтным у час афіцыйнага візіту ў Кітай дэлегацыі БДУ на чале з рэктарам Андрэем Каралём. У якасці аднаго з суарганізатараў сеткі ён прыняў удзел у пасяджэнні другога з'езда iUNRC, які прайшоў у горадзе Чунцын (Кітай). Парадак дня сходу ўключаў абмеркаванне прыярытэтных вектараў міжвузаўскага ўзаемадзеяння. Сярод іх галіна вялікіх даных для ўстойлівага развіцця, адказнае спажыванне і вытворчасць, прамысловасць, інавацыі і інфраструктура, змяненне клімату, лічбавая трансфармацыя адукацыі, сельская гаспадарка, ахова здароўя і іншыя. "БДУ прадставіў больш за 40 прапаноў навуковага супрацоўніцтва па гэтых напрамках, а таксама кандыдатуры для ўдзелу ў рабочых групах і праграме таленавітых маладых вучоных 2024 года, якая прадугледжвае праходжанне навуковых стажыровак у кітайскіх навукова-даследчых інстытутах, універсітэтах і на прадпрыемствах", - расказалі ў ВНУ.
У рамках другога з'езда Савета iUNRC прайшоў форум рэктараў "Універсітэты і ўстойлівае развіццё" ініцыятывы "Адзін пояс - адзін шлях". Выступаючы з дакладам аб ролі БДУ ў сучасным шматпалярным свеце, Андрэй Кароль адзначыў, што ВНУ рэагуе на ўсе запыты часу, дэманструючы высокі ўзровень адукацыі, навукова-інавацыйны і партнёрскі патэнцыял. "БДУ з'яўляецца ў Беларусі лідарам па падрыхтоўцы замежных студэнтаў, згодна з міжнароднымі рэйтынгамі ўваходзіць у 1 працэнт мацнейшых ВНУ, актыўна развівае міжнароднае супрацоўніцтва, дзе Кітай у ліку прыярытэтных стратэгічных партнёраў. Цяпер дзейнічае больш як 100 пагадненняў з універсітэтамі і арганізацыямі гэтай краіны. Актыўна развіваецца супрацоўніцтва з Пекінскім універсітэтам, Даляньскім політэхнічным універсітэтам, Універсітэтам Цынхуа і іншымі. Заснаваныя ў гэтым годзе Дні дружбы і адзінства ПКУ і БДУ паказваюць высокі ўзровень міжвузаўскіх узаемаадносін і адкрываюць новыя магчымасці для іх прадметнага напаўнення. Цяпер ёсць рашэнні з Пекінскім універсітэтам аб стварэнні Кітайска-беларускага цэнтра фундаментальных навуковых даследаванняў", - праінфармаваў рэктар.
Удзельнікам форуму была прадстаўлена лінейка навуковых распрацовак БДУ, якая ўключае дасягненні ў сферы космасу, медыцыны, хіміі. Прадоўжыцца візіт у Кітай правядзеннем шэрага сустрэч з кітайскімі калегамі, у час якіх будзе абмяркоўвацца пашырэнне навуковага і інавацыйнага супрацоўніцтва паміж ВНУ, развіццё экспарту, папулярызацыя вопыту БДУ на міжнароднай адукацыйнай прасторы. Запланаваны перагаворы з кіраўніцтвам Чунцынскага ўніверсітэта, Чунцынскага інстытута міжнароднага бізнесу і эканомікі, Універсітэта Ціндаа, Ціндааскага партовага прафесійна-тэхнічнага інстытута. Па выніках сустрэч плануецца падпісанне дакументаў аб наладжванні міжвузаўскага супрацоўніцтва ў галіне адукацыі і навукі.-0-
Гэта пытанне стала прыярытэтным у час афіцыйнага візіту ў Кітай дэлегацыі БДУ на чале з рэктарам Андрэем Каралём. У якасці аднаго з суарганізатараў сеткі ён прыняў удзел у пасяджэнні другога з'езда iUNRC, які прайшоў у горадзе Чунцын (Кітай). Парадак дня сходу ўключаў абмеркаванне прыярытэтных вектараў міжвузаўскага ўзаемадзеяння. Сярод іх галіна вялікіх даных для ўстойлівага развіцця, адказнае спажыванне і вытворчасць, прамысловасць, інавацыі і інфраструктура, змяненне клімату, лічбавая трансфармацыя адукацыі, сельская гаспадарка, ахова здароўя і іншыя. "БДУ прадставіў больш за 40 прапаноў навуковага супрацоўніцтва па гэтых напрамках, а таксама кандыдатуры для ўдзелу ў рабочых групах і праграме таленавітых маладых вучоных 2024 года, якая прадугледжвае праходжанне навуковых стажыровак у кітайскіх навукова-даследчых інстытутах, універсітэтах і на прадпрыемствах", - расказалі ў ВНУ.
У рамках другога з'езда Савета iUNRC прайшоў форум рэктараў "Універсітэты і ўстойлівае развіццё" ініцыятывы "Адзін пояс - адзін шлях". Выступаючы з дакладам аб ролі БДУ ў сучасным шматпалярным свеце, Андрэй Кароль адзначыў, што ВНУ рэагуе на ўсе запыты часу, дэманструючы высокі ўзровень адукацыі, навукова-інавацыйны і партнёрскі патэнцыял. "БДУ з'яўляецца ў Беларусі лідарам па падрыхтоўцы замежных студэнтаў, згодна з міжнароднымі рэйтынгамі ўваходзіць у 1 працэнт мацнейшых ВНУ, актыўна развівае міжнароднае супрацоўніцтва, дзе Кітай у ліку прыярытэтных стратэгічных партнёраў. Цяпер дзейнічае больш як 100 пагадненняў з універсітэтамі і арганізацыямі гэтай краіны. Актыўна развіваецца супрацоўніцтва з Пекінскім універсітэтам, Даляньскім політэхнічным універсітэтам, Універсітэтам Цынхуа і іншымі. Заснаваныя ў гэтым годзе Дні дружбы і адзінства ПКУ і БДУ паказваюць высокі ўзровень міжвузаўскіх узаемаадносін і адкрываюць новыя магчымасці для іх прадметнага напаўнення. Цяпер ёсць рашэнні з Пекінскім універсітэтам аб стварэнні Кітайска-беларускага цэнтра фундаментальных навуковых даследаванняў", - праінфармаваў рэктар.
Удзельнікам форуму была прадстаўлена лінейка навуковых распрацовак БДУ, якая ўключае дасягненні ў сферы космасу, медыцыны, хіміі. Прадоўжыцца візіт у Кітай правядзеннем шэрага сустрэч з кітайскімі калегамі, у час якіх будзе абмяркоўвацца пашырэнне навуковага і інавацыйнага супрацоўніцтва паміж ВНУ, развіццё экспарту, папулярызацыя вопыту БДУ на міжнароднай адукацыйнай прасторы. Запланаваны перагаворы з кіраўніцтвам Чунцынскага ўніверсітэта, Чунцынскага інстытута міжнароднага бізнесу і эканомікі, Універсітэта Ціндаа, Ціндааскага партовага прафесійна-тэхнічнага інстытута. Па выніках сустрэч плануецца падпісанне дакументаў аб наладжванні міжвузаўскага супрацоўніцтва ў галіне адукацыі і навукі.-0-
Падпісвайцеся на нас у
