3 лютага, Мінск /Кар. БЕЛТА/. З улікам прагназуемага павелічэння попыту на пасажырскія перавозкі ў перыяд працяглых выхадных, аб'яўленых у Расійскай Федэрацыі, Беларуская чыгунка сумесна з ААТ "РЧ" назначыла дадатковыя паязды ў зносінах Мінск - Масква, Мінск - Санкт-Пецярбург, Брэст - Масква ў перыяд 21-26 лютага, паведамілі БЕЛТА ў прэс-цэнтры БЧ.
21 і 25 лютага поезд нумар 250/249 Мінск - Санкт-Пецярбург адправіцца з Мінска ў 19.15, а яго адпраўленне назад з Санкт-Пецярбурга 22 і 26 лютага назначана на 20.13.
22 лютага поезд нумар 295/296 Масква - Брэст адправіцца з Масквы ў 22.59. У адваротным напрамку ён будзе ісці з Брэста 24 лютага ў 0.18.
25 лютага дадатковы поезд нумар 236 Брэст - Масква адправіцца з Брэста ў 13.12, а 26 лютага поезд нумар 237 Масква - Брэст адправіцца з Масквы ў 11.16. У складзе паяздоў нумар 236/237 таксама будуць курсіраваць бесперасадачныя вагоны Віцебск - Масква - Віцебск.
Акрамя таго, гэтымі днямі праз тэрыторыю Беларусі будуць курсіраваць дадатковыя паязды нумар 229 Санкт-Пецярбург - Смаленск і нумар 230 Смаленск - Санкт-Пецярбург з прыпынкамі ў Гарадку, Віцебску і Лёзна.
Больш падрабязную інфармацыю аб часе адпраўлення, маршруце руху дадатковых паяздоў і кошце праезду можна атрымаць на афіцыйным сайце БЧ, у мабільным дадатку "БЧ. Мой поезд", а таксама па тэлефоне кантакт-цэнтра 105.-0-
