ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск Суцэльная воблачнасць +19°C
Усе навіны
Усе навіны
Грамадства
27 мая 2022, 16:58

БЧ і БРСМ заключылі пагадненне аб супрацоўніцтве па рэалізацыі працоўных праектаў

Фота БРСМ
Фота БРСМ

27 мая, Мінск /Кар. БЕЛТА/. Беларуская чыгунка і Беларускі рэспубліканскі саюз моладзі заключылі пагадненне аб супрацоўніцтве па рэалізацыі сумесных працоўных праектаў у рамках развіцця і ўдасканалення студатрадаўскага руху, перадае карэспандэнт БЕЛТА.

Цырымонія падпісання пагаднення адбылася ў офісе Упраўлення Беларускай чыгункі. Подпісы пад дакументам паставілі намеснік начальніка БЧ Пётр Стоцкі і другі сакратар Цэнтральнага камітэта БРСМ Аляксандр Прохараў.

"У студэнцкія гады я таксама быў актыўным удзельнікам студатрадаўскага руху і нават працаваў на Усесаюзнай будоўлі і атрымаў ад гэтага каласальнае задавальненне, а акрамя таго набыў першую рабочую спецыяльнасць", - расказаў Пётр Стоцкі. Ён падкрэсліў, што пытанне сумеснага супрацоўніцтва з Рэспубліканскім штабам студэнцкіх атрадаў БРСМ не новае, але даўно наспелае, а пагадненне - патрэбны і своечасовы дакумент.

Аляксандр Прохараў адзначыў, што ў новых працоўных праектах з БЧ будзе ўдзельнічаць моладзь з усіх рэгіёнаў. "Гэта першы вопыт сумеснай работы па арганізацыі працоўных праектаў, які стане добрым фундаментам падрыхтоўкі да 60-га юбілею студэнцкіх атрадаў. Нягледзячы на тое што мы ў пачатку шляху, планы ў нас амбіцыйныя. У гэтым годзе юнакі і дзяўчаты з розных устаноў адукацыі краіны будуць працаваць манцёрамі пуцей і праваднікамі. Сёння ў час падпісання пагаднення мы дамовіліся аб арганізацыі сумесных студэнцкіх педагагічных атрадаў на базе падведамных БЧ аздараўленчых лагераў, - растлумачыў ён. - У будучым годзе плануем павялічыць не толькі колькасць працаўладкаваных юнакоў і дзяўчат, але і прадметна зоймемся павышэннем якасці студэнцкіх атрадаў, паколькі працоўныя праекты - гэта не толькі непасрэдна работа і заработак, гэта вялікая культурна-забаўляльная і спартыўная праграмы. Гэта рэйтынгавы рэзультат па вытворчых паказчыках, калі па выніках усёй дзейнасці выбіраецца атрад для ўдзелу ва Усебеларускім злёце студэнцкіх атрадаў, які прэтэндуе на званне лепшага студэнцкага атрада краіны".

У трэцім працоўным семестры - 2022 па лініі БЧ сумесна з РШСА БРСМ плануецца працаўладкаваць каля 200 маладых людзей у складзе вытворчых, сэрвісных і педагагічных атрадаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі