ДЗЯРЖОРГАНЫДЗЯРЖОРГАНЫ
Флаг Субота, 22 студзеня 2022
Мінск -5°C
Усе навіны
Усе навіны
Грамадства
30 лістапада 2021, 13:25

Баравік: ЗША хочуць уцягнуць Еўропу ў тлеючы ваенны канфлікт

Вадзім Баравік. Фота  "СБ. Беларусь сегодня"
Вадзім Баравік. Фота "СБ. Беларусь сегодня"

30 лістапада, Мінск /Кар. БЕЛТА/. ЗША хочуць уцягнуць Еўропу ў тлеючы ваенны канфлікт з Расіяй і яе саюзнікамі. Аб гэтым у эфіры "Альфа Радыё" заявіў палітолаг Вадзім Баравік, паведамляе БЕЛТА са спасылкай на sb.by.

"У амерыканцаў цяпер ёсць чарговая магчымасць узяць пад кантроль заходнюю цывілізацыю. Яны хочуць уцягнуць Еўропу ў тлеючы ваенны канфлікт з Расіяй і яе саюзнікамі. Неабавязкова ўсіх: напрыклад, Украіну і Польшчу. Прыбалтыка падцягнецца, Германія будзе падтрымліваць Польшчу, еўра пойдзе ў аўт, багатыя пачнуць пераводзіць грошы ў ЗША, у тых пачнецца рост эканомікі", - выказаў меркаванне аналітык.

Разважаючы пра выгаду ЗША пры дэстабілізацыі тых ці іншых рэгіёнаў, палітолаг прадоўжыў: "Што пішуць амерыканцы? Мы, пачынаючы ваенны канфлікт, не ставім перад сабой мэту перамагчы. Многія памылкова думаюць, што, калі мы ваюем у Афганістане, Іраку, у нас мэта - выйграць вайну. Няма такой мэты. Мэта - дэстабілізацыя рэгіёна, каб ён на дзесяцігоддзі наперад не мог быць нашым канкурэнтам, - адзначыў Вадзім Баравік. - Сёння частка сусветнай эліты захоўвае свае рэзервы ў ЕС, там ёсць тэхналогіі і іншае. Зразумела, цалкам разбураць яго ЗША не будуць. Але, калі амерыканскія кампаніі крыху нахіляць Еўропу, прымусяць яе ўдзельнічаць у рэгіянальным канфлікце, ЗША выйграюць адразу і там, і там. Гэта не ілюзіі і не страшылкі для выбаршчыкаў. Гэта рэальная канцэпцыя".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі