1 чэрвеня, Мінск /Кар. БЕЛТА/. Сёння ў Мінску адбудзецца 52-е пасяджэнне Савета кіраўнікоў органаў бяспекі і спецыяльных службаў дзяржаў - удзельніц СНД, паведамілі БЕЛТА ў Камітэце дзяржбяспекі.
У пасяджэнні, акрамя дэлегацый спецслужбаў і органаў бяспекі краін СНД, прымуць удзел кіраўнікі Выканкама Садружнасці і Антытэрарыстычнага цэнтра СНД. Удзельнікі абмяркуюць пытанні павышэння эфектыўнасці супрацоўніцтва і ўзаемадзеяння па лініі барацьбы з міжнародным тэрарызмам, а таксама насільнымі праявамі экстрэмізму. Будуць абмяркоўвацца і пытанні процідзеяння кантрабандзе зброі і наркотыкаў, інфармацыйна-псіхалагічнаму ўздзеянню і распаўсюджванню недакладнай інфармацыі. Увага будзе таксама ўдзелена развіццю і паглыбленню навукова-тэхнічнага супрацоўніцтва ў СНД.
У ходзе мерапрыемства кіраўнікі дэлегацый правядуць сустрэчу з Прэзідэнтам Беларусі.-0-
