![](https://blr.belta.by/images/storage/news/with_archive/2024/000022_1721820019_133896_big.jpg)
24 ліпеня, Мінск /Кар. БЕЛТА/. Міністр унутраных спраў Іван Кубракоў прыняў удзел у пасяджэнні калегіі сталічнай міліцыі. Аб гэтым БЕЛТА паведамілі ў Міністэрстве ўнутраных спраў.
Парадак дня мерапрыемства ўключаў падвядзенне вынікаў работы органаў і падраздзяленняў ГУУС Мінгарвыканкама за першае паўгоддзе 2024 года, а таксама пастаноўку задач на наступны перыяд.
На пасяджэнні калегіі сталічнай міліцыі былі заслуханы даклады кіраўніцтва ГУУС і справаздачы начальнікаў раённых падраздзяленняў. Міністр запатрабаваў ад іх канкрэтыкі. "Сёння мы падводзім вынікі за паўгоддзе. Усё павінна ўжо быць вывучана, прааналізавана, а задачы пастаўлены", - падкрэсліў Іван Кубракоў.
У сваім выступленні начальнік ГУУС Міхаіл Грыб адзначыў, што асноўныя намаганні накіраваны на недапушчэнне дэстабілізацыі аператыўнай абстаноўкі. У справаздачным перыядзе злачынстваў, якія выклікалі вялікі грамадскі рэзананс, а таксама рэзкіх змяненняў у структуры злачынных замахаў не дапушчана.
Разглядаючы праблемныя аспекты, кіраўнік міліцэйскага ведамства канстатаваў, што аператыўная работа наркакантролю і барацьба з эканамічнымі злачынствамі вымушаюць жадаць лепшага.
Акрамя таго, Іван Кубракоў нацэліў супрацоўнікаў сталічнай міліцыі на пастаянны клопат аб асабовым складзе. Кіраўнік ведамства чарговы раз нагадаў аб няўхільным захаванні дысцыпліны і законнасці, недапушчальнасці любых карупцыйных праяў сярод супрацоўнікаў органаў унутраных спраў. "Наперадзе электаральны перыяд, расслабляцца нельга", - падкрэсліў ён.
У сувязі з гэтым была адзначана неабходнасць запланаваць правядзенне вучэнняў. Яны будуць у корані адрознівацца ад папярэдніх, уключаць сур'ёзную тэарэтычную частку і толькі потым - практычную.
Звярнуўшы ўвагу на падрыхтоўку супрацоўнікаў, Іван Кубракоў даручыў ведамасным ВНУ з пачаткам навучальнага года штодзённа накіроўваць у кожны раён горада курсантаў і супрацоўнікаў Акадэміі МУС, факультэта ўнутраных войскаў Ваеннай акадэміі для аховы грамадскага парадку - без шкоды для вучобы.
Міністр унутраных спраў таксама пацікавіўся колькасцю выхаванцаў ваенна-патрыятычных клубаў, якія паступаюць у ведамасныя ВНУ. Іван Кубракоў даручыў удзяляць належную ўвагу якасці іх навучання, матэрыяльна-тэхнічнаму аснашчэнню такіх клубаў.
Асобна кіраўнік міліцэйскага ведамства спыніўся на пытаннях ветэранскага руху. Гаворачы аб працаўладкаванні супрацоўнікаў, якія выходзяць на заслужаны адпачынак, ён прапанаваў стварыць і пастаянна абнаўляць банк падыходзячых вакансій.
Іван Кубракоў падзякаваў асабоваму складу за службу, пажадаў поспехаў і ўдачы. Ён адзначыў, што маральна-псіхалагічны клімат у падраздзяленнях знаходзіцца на даволі высокім узроўні, а таксама заклікаў не замоўчваць узнікаючых праблем, развіваць карпаратыўнасць і ўзаемадапамогу.
На заканчэнне калегіі адбылася цырымонія ўзнагароджвання супрацоўнікаў, якія вызначыліся, уручэнне пагонаў чарговых спецыяльных званняў.-0-
Парадак дня мерапрыемства ўключаў падвядзенне вынікаў работы органаў і падраздзяленняў ГУУС Мінгарвыканкама за першае паўгоддзе 2024 года, а таксама пастаноўку задач на наступны перыяд.
На пасяджэнні калегіі сталічнай міліцыі былі заслуханы даклады кіраўніцтва ГУУС і справаздачы начальнікаў раённых падраздзяленняў. Міністр запатрабаваў ад іх канкрэтыкі. "Сёння мы падводзім вынікі за паўгоддзе. Усё павінна ўжо быць вывучана, прааналізавана, а задачы пастаўлены", - падкрэсліў Іван Кубракоў.
У сваім выступленні начальнік ГУУС Міхаіл Грыб адзначыў, што асноўныя намаганні накіраваны на недапушчэнне дэстабілізацыі аператыўнай абстаноўкі. У справаздачным перыядзе злачынстваў, якія выклікалі вялікі грамадскі рэзананс, а таксама рэзкіх змяненняў у структуры злачынных замахаў не дапушчана.
Разглядаючы праблемныя аспекты, кіраўнік міліцэйскага ведамства канстатаваў, што аператыўная работа наркакантролю і барацьба з эканамічнымі злачынствамі вымушаюць жадаць лепшага.
Акрамя таго, Іван Кубракоў нацэліў супрацоўнікаў сталічнай міліцыі на пастаянны клопат аб асабовым складзе. Кіраўнік ведамства чарговы раз нагадаў аб няўхільным захаванні дысцыпліны і законнасці, недапушчальнасці любых карупцыйных праяў сярод супрацоўнікаў органаў унутраных спраў. "Наперадзе электаральны перыяд, расслабляцца нельга", - падкрэсліў ён.
У сувязі з гэтым была адзначана неабходнасць запланаваць правядзенне вучэнняў. Яны будуць у корані адрознівацца ад папярэдніх, уключаць сур'ёзную тэарэтычную частку і толькі потым - практычную.
Звярнуўшы ўвагу на падрыхтоўку супрацоўнікаў, Іван Кубракоў даручыў ведамасным ВНУ з пачаткам навучальнага года штодзённа накіроўваць у кожны раён горада курсантаў і супрацоўнікаў Акадэміі МУС, факультэта ўнутраных войскаў Ваеннай акадэміі для аховы грамадскага парадку - без шкоды для вучобы.
Міністр унутраных спраў таксама пацікавіўся колькасцю выхаванцаў ваенна-патрыятычных клубаў, якія паступаюць у ведамасныя ВНУ. Іван Кубракоў даручыў удзяляць належную ўвагу якасці іх навучання, матэрыяльна-тэхнічнаму аснашчэнню такіх клубаў.
Асобна кіраўнік міліцэйскага ведамства спыніўся на пытаннях ветэранскага руху. Гаворачы аб працаўладкаванні супрацоўнікаў, якія выходзяць на заслужаны адпачынак, ён прапанаваў стварыць і пастаянна абнаўляць банк падыходзячых вакансій.
Іван Кубракоў падзякаваў асабоваму складу за службу, пажадаў поспехаў і ўдачы. Ён адзначыў, што маральна-псіхалагічны клімат у падраздзяленнях знаходзіцца на даволі высокім узроўні, а таксама заклікаў не замоўчваць узнікаючых праблем, развіваць карпаратыўнасць і ўзаемадапамогу.
На заканчэнне калегіі адбылася цырымонія ўзнагароджвання супрацоўнікаў, якія вызначыліся, уручэнне пагонаў чарговых спецыяльных званняў.-0-