Сцяг Серада, 17 красавіка 2024
Усе навіны
Усе навіны
Грамадства
03 красавіка 2024, 11:33

Байжанаў: на саміце ў Астане 4 ліпеня чакаецца афармленне паўнацэннага членства Беларусі ў ШАС
 

Фота з архіва
Фота з архіва
3 красавіка, Мінск /Кар. БЕЛТА/. На саміце ШАС у Астане 4 ліпеня чакаецца афармленне паўнацэннага членства ў ШАС Рэспублікі Беларусь. Важнасць гэтага адзначыў пасол Казахстана ў Беларусі Ерлан Байжанаў, выступаючы на экспертным круглым стале "Аб'яднальны патэнцыял ШАС у фарміруемым шматпалярным свеце", паведамляе БЕЛТА.

"Сёння мы хочам разам абмеркаваць, як беларуская экспертная супольнасць бачыць перспектывы развіцця Шанхайскай арганізацыі супрацоўніцтва, якую ролю павінна адыгрываць арганізацыя ў сучасным свеце, якія магчымасці адкрываюцца перад ШАС у святле чаканага ўступлення Беларусі ў ШАС. І, вядома, хацеў бы азнаёміць экспертаў з прыярытэтамі казахстанскага старшынства ў ШАС", - падкрэсліў дыпламат.

Ён нагадаў, што ШАС была створана ў 2001 годзе на базе "Шанхайскай пяцёркі" і прайшла сур'ёзную эвалюцыю. Галоўнай місіяй арганізацыі было ўмацаванне даверу і забеспячэнне бяспекі ў азіяцкім рэгіёне. "Менавіта вырашэнне гэтай задачы стала фундаментам для пашырэння супрацоўніцтва - уключэння ў парадак дня ШАС не толькі пытанняў бяспекі, але і эканомікі, энергетыкі, культурна-гуманітарнага абмену, экалогіі. Сёння ШАС - гэта аўтарытэтная шматбаковая структура, якая аб'ядноўвае дзевяць дзяржаў-членаў - Індыю, Іран, Казахстан, Кітай, Кыргызстан, Пакістан, Расію, Таджыкістан і Узбекістан", - падкрэсліў дыпламат.

Пасол сказаў, што апошнім часам геаграфія арганізацыі даволі хутка пашыраецца. "У 2022 годзе да Арганізацыі далучыліся 6 новых партнёраў па дыялогу, 4 з якіх - гэта арабскія краіны (ААЭ, Егіпет, Бахрэйн і Кувейт). У 2023 годзе паўнапраўным членам ШАС стаў Іран. 4 ліпеня на Саміце ШАС у Астане мы чакаем афармлення паўнацэннага членства ў арганізацыі Рэспублікі Беларусь. Падрыхтоўка да ўступлення ў ШАС вядзецца Манголіяй", - звярнуў увагу кіраўнік дыпмісіі.-0-
Падпісвайцеся на нас у
Twitter
Топ-навіны
Свежыя навіны Беларусі