18 чэрвеня, Мінск /Кар. БЕЛТА/. Міжнародныя спаборніцтвы на Кубак Беларускай федэрацыі пажарна-выратавальнага спорту праходзяць у Мінску, перадае карэспандэнт БЕЛТА.
Ва Універсітэце грамадзянскай абароны МНС прайшла ўрачыстая цырымонія адкрыцця міжнародных спаборніцтваў па пажарна-выратавальным спорце. Сярод удзельнікаў спаборніцтваў - мужчынская і жаночая зборныя Беларусі і Расіі, а таксама спартсмены з Чэхіі.
На працягу чатырох дзён мацнейшыя спартсмены будуць спаборнічаць у чатырох дысцыплінах. Сёння атлеты спаборнічалі ў падыманні па штурмавой лесвіцы на другі і чацвёрты паверхі вучэбнай вежы. У далейшым спартсменаў чакае 100-метровая паласа з перашкодамі, пажарная эстафета 4х100 метраў і баявое разгортванне. Падвядзенне вынікаў і ўрачыстая цырымонія закрыцця спаборніцтваў пройдуць 21 чэрвеня.
"Ужо дастаткова працяглы перыяд часу ў нашай краіне развіваецца пажарна-выратавальны спорт. Беларуская зборная традыцыйна з'яўляецца лідарам усіх міжнародных спаборніцтваў як у індывідуальных відах, так і ў групавых практыкаваннях. Таксама важна адзначыць, што гэты від спорту - элемент культуры падрыхтоўкі нашых ратавальнікаў. Ён культывуецца ва Універсітэце грамадзянскай абароны МНС. Усе, хто паступае ў гэту навучальную ўстанову, праходзяць этапы падрыхтоўкі па пажарна-выратавальным спорце. Многія становяцца майстрамі спорту, майстрамі спорту міжнароднага класа, уваходзяць у склад нашай нацыянальнай зборнай", - расказаў журналістам міністр па надзвычайных сітуацыях Вадзім Сіняўскі.
Кіраўнік выратавальнага ведамства адзначыў, што гэтыя спаборніцтвы - чарговы этап падрыхтоўкі нашай нацыянальнай зборнай да выступлення на чэмпіянаце свету, які восенню пройдзе ў Саудаўскай Аравіі. "Для нас гэта кропка, да якой мы павінны падысці на піку формы і заваяваць самыя высокія месцы. Традыцыйна мы ставім для сябе самыя высокія мэты", - падкрэсліў міністр.-0-
Ва Універсітэце грамадзянскай абароны МНС прайшла ўрачыстая цырымонія адкрыцця міжнародных спаборніцтваў па пажарна-выратавальным спорце. Сярод удзельнікаў спаборніцтваў - мужчынская і жаночая зборныя Беларусі і Расіі, а таксама спартсмены з Чэхіі.
На працягу чатырох дзён мацнейшыя спартсмены будуць спаборнічаць у чатырох дысцыплінах. Сёння атлеты спаборнічалі ў падыманні па штурмавой лесвіцы на другі і чацвёрты паверхі вучэбнай вежы. У далейшым спартсменаў чакае 100-метровая паласа з перашкодамі, пажарная эстафета 4х100 метраў і баявое разгортванне. Падвядзенне вынікаў і ўрачыстая цырымонія закрыцця спаборніцтваў пройдуць 21 чэрвеня.
"Ужо дастаткова працяглы перыяд часу ў нашай краіне развіваецца пажарна-выратавальны спорт. Беларуская зборная традыцыйна з'яўляецца лідарам усіх міжнародных спаборніцтваў як у індывідуальных відах, так і ў групавых практыкаваннях. Таксама важна адзначыць, што гэты від спорту - элемент культуры падрыхтоўкі нашых ратавальнікаў. Ён культывуецца ва Універсітэце грамадзянскай абароны МНС. Усе, хто паступае ў гэту навучальную ўстанову, праходзяць этапы падрыхтоўкі па пажарна-выратавальным спорце. Многія становяцца майстрамі спорту, майстрамі спорту міжнароднага класа, уваходзяць у склад нашай нацыянальнай зборнай", - расказаў журналістам міністр па надзвычайных сітуацыях Вадзім Сіняўскі.
Кіраўнік выратавальнага ведамства адзначыў, што гэтыя спаборніцтвы - чарговы этап падрыхтоўкі нашай нацыянальнай зборнай да выступлення на чэмпіянаце свету, які восенню пройдзе ў Саудаўскай Аравіі. "Для нас гэта кропка, да якой мы павінны падысці на піку формы і заваяваць самыя высокія месцы. Традыцыйна мы ставім для сябе самыя высокія мэты", - падкрэсліў міністр.-0-
Падпісвайцеся на нас у
