Камароўка - жывая душа, гастранамічны брэнд, тэатральнае дзейства і музей адначасова. Менавіта так лічыць намеснік генеральнага дырэктара па развіцці УП "Мінскі Камароўскі рынак" Іван Ткачук. Ён жа вядучы акаўнтаў у сацыяльных сетках - Баба Рая, у якіх дзясяткі тысяч падпісчыкаў.
- Добры дзень, мяне завуць Іван Ткачук, але, напэўна, многія ведаюць мяне як Бабу Раю, - нечакана прадстаўляецца Іван Ткачук і ахвотна дае азначэнне месцу сваёй работы: - Камароўскі рынак - жывая душа, гастранамічны брэнд, тэатральнае дзейства і музей адначасова. Камароўка - гэта ўсе мы, неад'емная частка горада. Людзі прыходзяць да нас не толькі зрабіць пакупкі, але і паразмаўляць.
Калі паглыбляцца ў гісторыю, у скульптуры, устаноўленай каля будынка крытага рынку (бронзавай гандляркі з мяшком семак, акружанай такімі ж бронзавымі птушкамі), як аказалася, ёсць прататып. Калісьці была бабуля Рая, якая гандлявала семкамі на Камароўцы. Да яе ўсе вельмі цёпла ставіліся. З другога боку, Баба Рая - гэта легенда і зборны вобраз. Сёння таксама ёсць бабулі, якія прывозяць на рынак сваю прадукцыю, і нечым яны падобны да Раі.
Іван Аляксеевіч успамінае, што ідэя выкарыстаць гэты вобраз з'явілася ў 2016 годзе, калі яму, толькі прынятаму на работу спецыялісту, паставілі задачу развіваць сацыяльныя сеткі Камароўкі для прыцягнення пакупнікоў.
- Папулярызаваць рынак у сацсетках не толькі можна, але і трэба, - упэўнены Іван Ткачук. - Галоўнае - быць максімальна сумленным з чалавекам, які знаходзіцца па той бок экрана. Мне падабаецца, калі мае падпісчыкі пішуць: "Баба Рая, у цябе такі лямпавы акаўнт!". Спачатку не разумеў, што значыць лямпавы. Стары? Але высветлілася - не, ён цёплы і сумленны. У нас капуста - гэта капуста, агуркі - гэта агуркі. Яны заўсёды сапраўдныя. Проста трэба быць тым, хто ты ёсць, а не такім, якім хочаш выглядаць.
Акрамя акаўнту рынку ў сацыяльных сетках Іван Ткачук гатовы гадзінамі расказваць аб прадаўцах Камароўкі. Іх больш за 1000. Ёсць там і сямейныя дынастыі. Як правіла, яны вырошчваюць сваю прадукцыю, вечарам збіраюць і раніцай прывозяць на рынак, каб прадаць, а на наступны дзень зноў едуць збіраць ураджай.
- Пра рынак можна напісаць кнігу, і гэта будуць гісторыі жыцця людзей, якія працуюць тут і якія прыходзяць сюды рабіць пакупкі. Паколькі рынак - гэта ўсе мы, гэта вялізная частка сталіцы. У яго свая ўнікальная гісторыя, і яна будзе прадаўжацца, што б ні здарылася, - рэзюмуе субяседнік.
Іван Ткачук - герой нашага праекта "Беларусы ў кадры". Даведаліся ў яго, хто ж з'яўляецца прататыпам легендарнай скульптуры Бабы Раі і чаму папулярызаваць рынак у сацсетках абавязкова трэба. Таксама субяседнік расказаў нам гісторыі тутэйшых прадаўцоў і запэўніў, што зваротная сувязь з пакупнікамі вельмі важная.
*Праект створаны за кошт сродкаў мэтавага збору на вытворчасць нацыянальнага кантэнту
- Добры дзень, мяне завуць Іван Ткачук, але, напэўна, многія ведаюць мяне як Бабу Раю, - нечакана прадстаўляецца Іван Ткачук і ахвотна дае азначэнне месцу сваёй работы: - Камароўскі рынак - жывая душа, гастранамічны брэнд, тэатральнае дзейства і музей адначасова. Камароўка - гэта ўсе мы, неад'емная частка горада. Людзі прыходзяць да нас не толькі зрабіць пакупкі, але і паразмаўляць.
Калі паглыбляцца ў гісторыю, у скульптуры, устаноўленай каля будынка крытага рынку (бронзавай гандляркі з мяшком семак, акружанай такімі ж бронзавымі птушкамі), як аказалася, ёсць прататып. Калісьці была бабуля Рая, якая гандлявала семкамі на Камароўцы. Да яе ўсе вельмі цёпла ставіліся. З другога боку, Баба Рая - гэта легенда і зборны вобраз. Сёння таксама ёсць бабулі, якія прывозяць на рынак сваю прадукцыю, і нечым яны падобны да Раі.
Іван Аляксеевіч успамінае, што ідэя выкарыстаць гэты вобраз з'явілася ў 2016 годзе, калі яму, толькі прынятаму на работу спецыялісту, паставілі задачу развіваць сацыяльныя сеткі Камароўкі для прыцягнення пакупнікоў.
- Папулярызаваць рынак у сацсетках не толькі можна, але і трэба, - упэўнены Іван Ткачук. - Галоўнае - быць максімальна сумленным з чалавекам, які знаходзіцца па той бок экрана. Мне падабаецца, калі мае падпісчыкі пішуць: "Баба Рая, у цябе такі лямпавы акаўнт!". Спачатку не разумеў, што значыць лямпавы. Стары? Але высветлілася - не, ён цёплы і сумленны. У нас капуста - гэта капуста, агуркі - гэта агуркі. Яны заўсёды сапраўдныя. Проста трэба быць тым, хто ты ёсць, а не такім, якім хочаш выглядаць.
Акрамя акаўнту рынку ў сацыяльных сетках Іван Ткачук гатовы гадзінамі расказваць аб прадаўцах Камароўкі. Іх больш за 1000. Ёсць там і сямейныя дынастыі. Як правіла, яны вырошчваюць сваю прадукцыю, вечарам збіраюць і раніцай прывозяць на рынак, каб прадаць, а на наступны дзень зноў едуць збіраць ураджай.
- Пра рынак можна напісаць кнігу, і гэта будуць гісторыі жыцця людзей, якія працуюць тут і якія прыходзяць сюды рабіць пакупкі. Паколькі рынак - гэта ўсе мы, гэта вялізная частка сталіцы. У яго свая ўнікальная гісторыя, і яна будзе прадаўжацца, што б ні здарылася, - рэзюмуе субяседнік.
Іван Ткачук - герой нашага праекта "Беларусы ў кадры". Даведаліся ў яго, хто ж з'яўляецца прататыпам легендарнай скульптуры Бабы Раі і чаму папулярызаваць рынак у сацсетках абавязкова трэба. Таксама субяседнік расказаў нам гісторыі тутэйшых прадаўцоў і запэўніў, што зваротная сувязь з пакупнікамі вельмі важная.
*Праект створаны за кошт сродкаў мэтавага збору на вытворчасць нацыянальнага кантэнту
Падпісвайцеся на нас у
