Скрыншот відэа "Беларусь 1"
19 верасня, Мінск /Кар. БЕЛТА/. У выпадку поспеху спробы захопу ўлады змоўшчыкі планавалі на першы час устанавіць аўтарытарнае праўленне групы з сямі чалавек. Аб гэтым у фільме "Забойная змова. Мэта - Лукашэнка" на тэлеканале "Беларусь 1" расказаў адзін са змоўшчыкаў Юрый Зянковіч, які быў асуджаны на 11 гадоў пазбаўлення волі ў верасні 2022 года, паведамляе БЕЛТА.
Паводле слоў Юрыя Зянковіча, улада, калі б яе ўдалося захапіць змоўшчыкам, аказалася б у руках сямі чалавек, з якіх трое ваенныя і чацвёра цывільныя. У рамках "калектыўнага прэзідэнцтва" паўнамоцтвы планавалася падзяліць наступным чынам. Кожны павінен быў атрымаць у сваё кіраванне адзін з рэгіёнаў Беларусі. Акрамя таго, кожны з членаў гэтай сямёркі павінен быў курыраваць пэўныя напрамкі.
"Аляксандр Фядута, напрыклад, планаваў курыраваць пытанні рэформ выбарчага заканадаўства, а таксама сродкі масавай інфармацыі. Ваенным планавалася даручыць сацыяльную сферу, паколькі мы лічылі, што ваенныя моцныя ў гэтых пытаннях. Я павінен быў курыраваць пытанні рэформ праваахоўных органаў, рэформы Канстытуцыі і сістэмы выбараў", - растлумачыў Юрый Зянковіч.
Ён звярнуў увагу, што да ўлады імкнуўся Дзмітрый Шчыгельскі, які хацеў узначаліць Камітэт дзяржбяспекі і кантраляваць правячыя вярхі. У той жа час другога змоўшчыка Ігара Макара, паводле назіранняў Юрыя Зянковіча, больш цікавілі грашовыя пытанні.
У выпадку захопу ўлады змоўшчыкі планавалі зрабіць першыя званкі ўладным людзям. Такім чынам, заявіў Юрый Зянковіч, яны планавалі пазваніць у Вашынгтон, Брусель і Пекін у першую гадзіну.
Акрамя таго, на працягу шасці гадзін чыноўнікі і сілавікі павінны былі з’явіцца на месца сваёй службы альбо работы. "Тыя, хто гэтага не зробяць, павінны будуць мець справу з ваеннымі. Гэта азначае неадкладнае затрыманне, а ў выпадку аказання супраціўлення - знішчэнне", - дадаў Юрый Зянковіч.
Змоўшчыкі разлічвалі, што ў выпадку, калі армія будзе на іх баку, шанцы на поспех складуць дзевяць з дзесяці. Адзін з дзесяці – гэта сцэнарый грамадзянскай вайны і сутыкненняў сілавікоў, а таксама замежнай інтэрвенцыі. Акрамя таго, разглядалася пытанне аб тым, каб заблакіраваць мабільную сувязь і электразабеспячэнне ў раёне Астрашыцкага Гарадка і рэзідэнцыі Прэзідэнта.
"У ідэале той план, які я ў прыватнасці распрацоўваў, прадугледжваў пяцігадовае аўтарытарнае праўленне, пачынаючы ад жорсткай дыктатуры, і ў канцы паступовая перадача ўлады цывільным, а таксама сыход ваенных праз пяць гадоў у казармы. Але першы час, безумоўна, улада павінна быць жорсткай. І справа не ў тым, што я прыхільнік нейкай жорсткай улады. Справа ў тым, што для хуткіх і радыкальных рэформ жорсткая ўлада заўсёды апраўдана і з’яўляецца добрым інструментам правячых вярхоў", - рэзюмаваў Юрый Зянковіч.-0-
Падпісвайцеся на нас у
