Навіны сюжэта
"Праект "Краіна гаворыць""
16 красавіка, Мінск /Кар. БЕЛТА/. Намеснік начальніка галоўнага ўпраўлення ідэалагічнай работы і па справах моладзі Брэсцкага аблвыканкама Ірына Захарэвіч расказала ў праекце БЕЛТА "Краіна гаворыць" аб тым, якія мерапрыемствы пройдуць у рэгіёне да 9 Мая.
Паводле слоў Ірыны Захарэвіч, Брэсцкая крэпасць стала пастаяннай пляцоўкай для выхавання патрыятызму. "Там прымаюць прысягу, там праходзяць усе памятныя мерапрыемствы. І на 9 Мая туды людзей не трэба заганяць ніколі. Людзі па закліку сэрца ідуць на шэсце. Вядома, у гэтым годзе будзе і парад войскаў Брэсцкага гарнізона, і шэсце "Беларусь памятае". У гэтым годзе мы, вядома, павінны напоўніць усе мерапрыемствы крыху большым сэнсам. Ужо заяўлены шэраг дэлегацый з Расіі, да нас прыедуць і з Латвіі, Славакіі", - расказала яна.
У вобласці запланавана каля 10 аўтамотапрабегаў рэспубліканскага і міжнароднага ўзроўню, не гаворачы аб мясцовых. "Крэпасць у гэтым годзе стане асаблівым месцам прыцяжэння. Так, у нас звычайна 22 чэрвеня арганізуецца маштабны праект, але ў гэтым годзе і 9 Мая мы чакаем шмат гасцей", - адзначыла Ірына Захарэвіч.
Пасля Дня Перамогі ўжо, 12 мая, будзе дадзены старт расійска-беларускай маладзёжнай экспедыцыі "Няскораныя".
"Таксама ў гэтым годзе ўпершыню ў Брэсце адбудзецца маладзёжны форум гарадоў-герояў - 8-9 мая. Ужо некалькі гарадоў Расійскай Федэрацыі пацвердзілі свой удзел. Гэта дыялогавыя пляцоўкі, выступленні, прэзентацыі аб захаванні памяці ў гарадах-героях. Вядома, будуць і розныя канферэнцыі, тэлевідэамасты з Расіяй. Мы чакаем вельмі шмат гасцей", - анансавала яна.
У гэтым годзе таксама ўпершыню плануецца вячэрні канцэрт у Брэсцкай крэпасці - раней на 9 Мая яго не праводзілі. "Упершыню будзе такі маштабны ўрачысты канцэрт, ну і, вядома ж, салют пасля канцэрта, - адзначыла яна. - Наогул, мерапрыемстваў, прысвечаных 80-годдзю Перамогі, значна больш. Яны ўжо цяпер пачынаюцца. У вобласці цяпер заяўлена шмат медыяпраектаў - публікуюцца ўспаміны, інфармацыя аб помніках, памятных мясцінах".-0-
*Праект створаны за кошт сродкаў мэтавага збору на вытворчасць нацыянальнага кантэнту.
Паводле слоў Ірыны Захарэвіч, Брэсцкая крэпасць стала пастаяннай пляцоўкай для выхавання патрыятызму. "Там прымаюць прысягу, там праходзяць усе памятныя мерапрыемствы. І на 9 Мая туды людзей не трэба заганяць ніколі. Людзі па закліку сэрца ідуць на шэсце. Вядома, у гэтым годзе будзе і парад войскаў Брэсцкага гарнізона, і шэсце "Беларусь памятае". У гэтым годзе мы, вядома, павінны напоўніць усе мерапрыемствы крыху большым сэнсам. Ужо заяўлены шэраг дэлегацый з Расіі, да нас прыедуць і з Латвіі, Славакіі", - расказала яна.
У вобласці запланавана каля 10 аўтамотапрабегаў рэспубліканскага і міжнароднага ўзроўню, не гаворачы аб мясцовых. "Крэпасць у гэтым годзе стане асаблівым месцам прыцяжэння. Так, у нас звычайна 22 чэрвеня арганізуецца маштабны праект, але ў гэтым годзе і 9 Мая мы чакаем шмат гасцей", - адзначыла Ірына Захарэвіч.
Пасля Дня Перамогі ўжо, 12 мая, будзе дадзены старт расійска-беларускай маладзёжнай экспедыцыі "Няскораныя".
"Таксама ў гэтым годзе ўпершыню ў Брэсце адбудзецца маладзёжны форум гарадоў-герояў - 8-9 мая. Ужо некалькі гарадоў Расійскай Федэрацыі пацвердзілі свой удзел. Гэта дыялогавыя пляцоўкі, выступленні, прэзентацыі аб захаванні памяці ў гарадах-героях. Вядома, будуць і розныя канферэнцыі, тэлевідэамасты з Расіяй. Мы чакаем вельмі шмат гасцей", - анансавала яна.
У гэтым годзе таксама ўпершыню плануецца вячэрні канцэрт у Брэсцкай крэпасці - раней на 9 Мая яго не праводзілі. "Упершыню будзе такі маштабны ўрачысты канцэрт, ну і, вядома ж, салют пасля канцэрта, - адзначыла яна. - Наогул, мерапрыемстваў, прысвечаных 80-годдзю Перамогі, значна больш. Яны ўжо цяпер пачынаюцца. У вобласці цяпер заяўлена шмат медыяпраектаў - публікуюцца ўспаміны, інфармацыя аб помніках, памятных мясцінах".-0-
*Праект створаны за кошт сродкаў мэтавага збору на вытворчасць нацыянальнага кантэнту.
Падпісвайцеся на нас у
