28 снежня, Мінск /Кар. БЕЛТА/. Сацыяльна арыентаваная дзяржава - гэта клопат пра кожнага беларуса, заявіў у эфіры тэлеканала "Беларусь 1" аналітык Беларускага інстытута стратэгічных даследаванняў Аляксей Аўдонін, паведамляе БЕЛТА.
Напярэдадні абнародаваны праект змяненняў і дапаўненняў Канстытуцыі для ўсенароднага абмеркавання. У кожнага беларуса ёсць магчымасць унесці сваю прапанову. Адзін з важных пасылаў праекта Канстытуцыі - Беларусь застаецца сацыяльна арыентаванай дзяржавай.
“Сацыяльна арыентаваная эканоміка, сацыяльна арыентаваная дзяржава - гэта ў першую чаргу клопат кожнага пра кожнага. Клопат грамадства пра кожнага беларуса. І гэта з'яўляецца ўнутраным запатрабаваннем нашага грамадства. Мы не можам адысці ад яго. Гэта наша мадэль, якая склалася гістарычна, і здрадзіць ёй дзеля нейкіх ліберальных каштоўнасцей мы не можам", - сказаў Аляксей Аўдонін.-0-
