23 кастрычніка, Мінск /Кар. БЕЛТА/. Аранжавы ўзровень небяспекі з-за ветру аб'яўлены ў Беларусі 24 кастрычніка, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У сераду будзе пераважаць воблачнае надвор'е. На большай частцы тэрыторыі краіны пройдуць дажджы. Вецер будзе паўднёва-заходні з пераходам на паўночна-заходні 5-10 м/с з парывамі да 14 м/с, на паўднёвым захадзе парывы дасягнуць 15-20 м/с.
Тэмпература паветра ўначы складзе плюс 1-6 градусаў, удзень будзе 4-9 градусаў вышэй за нуль.-0-